U kritikua që shpenzuan shumë para për ta sjellë në “Anfield”, megjithatë Darwin Nunez shpërtheu në ndeshjen miqësore që skuadra e Liverpool-it e fitoi me rezultat 5:0 ndaj Leipzig-ut.
Uruguaiani shënoi katër gola me skuadrën e tij të re, teksa u inkuadrua në lojë vetëm në pjesën e dytë.
Mohamed Salah e hapi llogarinë e golave qysh në minutën e tetë të ndeshjes.
Më pas, pjesa e dytë i takoi krejtësisht transferit të ri të “The Reds”, i cili qysh pas inkuadrimit në minutën e 48-të realizoi nga penalltia.
Time to enjoy @Darwinn99's first-ever hat-trick for the Reds ⚽⚽⚽ pic.twitter.com/vztvgVwHzx
— Liverpool FC (@LFC) July 21, 2022
Tre minuta më vonë, Nunez shënoi golin e dytë personal në këtë miqësore, për rezultatin 3:0.
Në minutën e 68-të, ish-ylli i Benficës kompletoi hat-trikun, kurse golin e katërt personal dhe të pestin për Liverpool-in e shënoi në minutën e fundit të ndeshjes.
Kujtojmë që Liverpool-i shpenzoi plotë 75 milionë euro, shumë kjo që pritet të shkojë deri në 100 me bonuse, për ta blerë Nunez-in nga Benfica.
Ai u kritikua shumë nga tifozët e klubit anglez në dy ndeshjet e para miqësore të Liverpool-it, megjithatë me katër golat e sotëm, vështirë që dikush mund ta kritikoj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama mirëpret vendimin e KE-së për planin e rritjes së Ballkanit, e quan shtysë të re për zgjerimin
-
Me tensione të herëpashershme, mbyllet protesta e opozitës para Bashkisë Tiranë
-
Betimi i Putinit – Oligarkë, patriarkë dhe nipër sekretë
-
Stano: Për heqjen ose jo të masave ndëshkuese ndaj Kosovës, do vendoset pasi të përfundojë raporti i Këshillit të BE-së
