Sheffield United ka vendosur një rekord të ri të padëshiruar në Premier League pasi pësoi një humbje 4-2 kundër Manchester United në “Old Trafford” të mërkurën mbrëma.
Djemtë e Chris Wilder, janë në fund të tabelës, por ata çuditërisht kryesuan dy herë në “Teatrin e Ëndrrave”. Megjithatë, përfundimisht u mundën 4-2.
Sheffield tani ka pranuar katër ose më shumë gola në tetë ndeshje në Premier League këtë sezon, më shumë se çdo ekip tjetër në divizion.
Në total, skuadra e Wilder ka pësuar 92 gola në 34 ndeshjet e tyre, shifra më e lartë ndonjëherë në një sezon prej 38 ndeshjesh në kompeticion, duke tejkaluar rekordin e mëparshëm të mbajtur nga Derby County (89) në 2007-08.
Me katër ndeshje të mbetura, Sheffield United është në garë për të thyer rekordin e të gjitha kohërave në Premier League të mbajtur nga Swindon Town, i cili pranoi 100 gola gjatë një sezoni prej 42-ndeshjeje në 1993-94.
Sheffield, të cilët mbeten të rrënjosur në fund të tabelës dhe 10 pikë larg zonës së sigurisë, do të bien në Championship nëse humbasin ndaj Newcastle United të shtunën.
Edhe nëse do të barazonin ose do të fitonin kundër “Magpies”, të cilët i mposhtën 8-0 në ndeshjen e parë, rënia do të konfirmohet nëse Nottingham Forest i vendit të 17-të do të marrë një rezultat të mirë kur ata presin Manchester City-n të dielën.
Pas udhëtimit në “St James’ Park” të shtunën, Sheffield United do ta mbyllë sezonin me ndeshjet kundër Nottingham Forest, Everton dhe Tottenham.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës
