Një grup relativisht i vogël i serbëve në Komunën e Leposaviqit, të enjten në mëngjes, sikurse një ditë më parë kanë pritur me fishkëllima duke kundërshtuar zëvendësministrin për Komunitete dhe Kthim, Radojiç Radomiroviç, i cili është parë afër ndërtesës komunale në Leposaviq.
Siç po raporton mediumi serb me seli në Kosovë, Kosovo Online, rreth orës 6:00 të mëngjesit Radomiroviç i shoqëruar edhe me disa punëtor të administratës kanë hyjrë përsëri në ndërtesën komunale.
Serbët e pranishëm të cilët prej disa muajsh po kundërshtojnë punën e kryetarit të Leposaviqit, Lulzim Hetemit i kanë thënë Kosovo Online se janë të pakënaqur me ardhjen e Radomiroviç-it duke kërkuar nga KFOR-i që të veprojë në përputhje me mandatin dhe të pengojë hyrjen e tyre në ndërtesën komunale.
Hyrja e Radomiroviç-it në ndërtesën komunale u kundërshtua edhe të mërkurën ndërsa futja e tyre në komunë nuk u lejua nga ushtarët e KFOR-it.
Por, ndryshe nga KFOR-i, dritën e gjelbër për futjen e Radomiroviç në ndërtesën komunale të Komunës së Leposaviqit, të mërkurën ia ka dhënë Policia e Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Hamasi pranon armëpushimin
-
Prokuroria zbardh hetimet për vetëvrasjen e nënës me 3 fëmijët: Ka dyshime të forta se drejt aktit i ka çuar dhuna e bashkëshortit
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
Konjufca kundër Taravarit: Çdo votë për kandidaten e VMRO-së është votë antishqiptare