Një grup relativisht i vogël i serbëve në Komunën e Leposaviqit, të mërkurën në mëngjes, kanë pritur me fishkëllima zëvendësministrin për Komunitete dhe Kthim, Radojiç Radomiroviç, i cili është parë afër ndërtesës komunale në Leposaviq.
Siç po raporton mediumi serb me seli në Kosovë, Kosovo Online, rreth orës 8:00 të mëngjesit Radomiroviç i shoqëruar edhe me disa punëtor të administratës kanë tentuar të hyjnë në ndërtesën komunale.
Megjithatë të njëjtit janë penguar nga serbët e pranishëm të cilët prej disa muajsh po kundërshtojnë punën e kryetarit të Leposaviqit, Lulzim Hetemit.
Radomiroviç dhe të tjerët, siç po raporton mediumi në fjalë, pas kundërshtimit të serbëve janë tërhequr prapa ndërtesës komunale të Leposaviqit meqë hyrjen e tyre në ndërtesën komunale nuk e kanë lejuar as ushtarët e KFOR-it.
Ndryshe nga KFOR-i, dritën e gjelbër për futjen e Radomiroviç në ndërtesën komunale të Komunës së Leposaviqit, siç po raporton ky medium, a ka dhënë Policia e Kosovës.
Sipas mediumit në fjalë situata në terren momentalisht është e tensionuar, por e qetë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Hamasi pranon armëpushimin për Gazën, Izraeli jo
-
Prokuroria zbardh hetimet për vetëvrasjen e nënës me 3 fëmijët: Ka dyshime të forta se drejt aktit i ka çuar dhuna e bashkëshortit
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
Konjufca kundër Taravarit: Çdo votë për kandidaten e VMRO-së është votë antishqiptare
