Sela pas fitores së “Frontit Evropian”: Ia plotësuam Taravarit dëshirën për t’u kthyer në profesionin si mjek
Kryetari i Aleancës për Shqiptarët, Ziadin Sela, pasi që ish-lideri i ASH-së, njëherit kandidati i opozitës shqiptare, përkatësisht koalicionit “VLEN, për President të Maqedonisë së Veriut, Arben Taravari, ka humbur zgjedhjet presidenciale, i ka kërkuar që t’i kthehet profesionit të tij si mjek, meqë këtë dëshirë e ka shprehur kaherë.
Këto komente, Sela i ka bërë në tubimin festues në Tetovë, pasi që edhe zyrtarisht kandidati i “Frontit Evropian” – pjesë e të cilit është edhe partia e Selës – Bujar Osmani, ka fituar bindshëm zgjedhjet presidenciale në taborin shqiptar.
“Arben Taravarit ia kemi plotësuar, me fajin tim, të gjitha dëshirat. E bëmë ministër e kryetar komune. Në çdo paraqitje thoshte se e ka shumë dëshirë që t’i kthehet profesionit. Arben ta plotësuam edhe dëshirën e fundit, ktheju profesionit”, tha Sela.
Kreu i ASH-së ka falënderuar “të gjithë këta bashkudhëtarë në atë që bashkë e ndërtuam e që është shumë kuptimplotë front për Evropë, front kundër Rusisë, front për ardhmëri, front për Ardhmëri, front për perspektivë dhe front për Maqedoni evropiane”.
“Është shumë domethënëse fitorja gjithandej në çdo vendbanim shqiptar dhe në vendbanimet ku jetojnë edhe komunitetet tjera etnike. Më lejoni ta falënderoj kandidatit tonë Bujar Osmani, për një fushatë të dinjitetshme…”, shtoi.
Në fund, Sela ka thënë “urime, suksese dhe me një verdikt akoma më të fuqishme më 8 maj për Frontit Evropian”.
Më herët, kandidati i “Frontit Evropian”, Bujar Osmani ka shpallur fitoren e thellë me mbi 40 mijë vota dallim në raport me Taravrin.
Këtë ai e ka bërë në një konferencë për media nga selia e Bashkimit Demokratik për Integrim në Reçicë të Vogël, pasi që janë numëruar më shumë se 60 për qind e votave.
“Kemi shënuar fitore pothuajse në çdo komunë të vendit duke nisur: fitore në Jogonocë, fitore të thellë Haraçinë, fitore të thellë në Vrapçishtë, fitore në Studineçan, në Likovë, në Bogovinë, në Zhelinë, në Gazibabë… fitore të jashtëzakonshme në Strugë, në Çashkë… në Ohër, fitore në Tetovë, fitore në Saraj, fitore në Manastir, në Velesh, fitore e thellë në Kërçovë… fitore në Gostivar, fitore në Kumanovë, në Çair, në Budel, në Dibër…”, ka thënë Osmani.
Osmani shpall fitoren ndaj Taravarit me mbi 40 mijë vota dallim
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste
-
Deputeti gjerman, Borrell-it: Jepi fund politikës së shurdhër ndaj Serbisë
-
Vuçiç i kërkoi personalisht Macron-it ta bllokojë anëtarësimin e Kosovës në KiE, pretendon Knaus
-
Regresi i Kosovës në lirinë e medias, Tahiri: S’do të kalohet pa llogaridhënie në Kuvend
Lajmet kryesore
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Qeveria po e trajton si armike shtresën e mesme, sipas Bashës
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste