Samiti i Ballkanit Perëndimor në Prishtinë, flitet për invazionin rus në Ukrainë dhe mungesën e energjisë
Këtë të marte të 25 tetorit në Prishtinë do të mbahet “Samiti i Ballkanit Perëndimor 2022”, organizim i The Economist, në bashkëpunim me zyrën e kryeministrit të Kosovës, Albin Kurtit.
Temat e diskutimit do të jenë invazioni rus në Ukrainë, mungesa e energjisë dhe mallrave dhe rritja e çmimeve, “që po e çojnë botën drejt një krize të shumë-anshme”.
Në këtë samit do të marrin pjesë krerët e shteteve nga rajoni, liderët e biznesit dhe financave dhe akademikët, të cilët do të ndajnë njohuritë e tyre mbi strategjitë e reja për të trajtuar krizën aktuale dhe për të rritur stabilitetin dhe bashkëpunimin në rajon dhe më gjerë.
“Rajoni i Ballkanit Perëndimor ka një rol unik për të luajtur kundër këtyre rrethanave. Ideja se pa Ballkanin Perëndimor, Evropa nuk mund të jetë vërtet e bashkuar, gjithëpërfshirëse dhe politikisht efektive po fiton terren”, thuhet në njoftim për media të këtij samiti.
“Rajoni ka një rol kritik për të luajtur në nxitjen e paqes, bashkëpunimit dhe unitetit përmes diversitetit për Evropën. Megjithatë, për të përfituar nga ky rol, vendet e rajonit do të duhet të zgjidhin konfliktet rajonale dhe të lehtësojnë reformat që zvogëlojnë hendekun me pjesën më të zhvilluar të Evropës”.
Sipas agjendës së samitit, në ora 9:00 do të flas kryeministri i Kosovës, Albin Kurti, ministrat Donika Gërvalla, Artane Rizvanolli dhe Hekuran Murati.
Më pas flasin edhe ish-kryeministri i Greqisë, George Papandreou dhe ish-presidenti i Parlamentit Evropian Martin Schulz.
Një fjalim do ta mbaj edhe ambasadori i Shteteve të Bashkuara të Amerikës, Jeffrey Hovenier, por edhe Sir Stuart Peach, i dërguari special i Mbretërisë së Bashkuar për Ballkanin Perëndimor.
Pos këtyre, do të flasin edhe personalitete të njohura nga Bashkimi Evropian dhe SHBA-ja.
Ndërkaq samiti do të mbyllet në ora 19:00.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pse Putin e ka hequr aleatin nga posti i ministrit të Mbrojtjes së Rusisë?
-
Von der Leyen injoron të djathtën në Itali, takohet me Tajanin ndërsa eviton Melonin
-
Arrestohet trafikanti më i kërkuar i qenieve njerëzore në Evropë
-
Muhaxheri: Sveçla është në koordinim me Serbinë për sa i përket konfiskimit të armatimit në Veri
Lajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’