Moska emëroi një komandant të ri për pushtimin e saj në Ukrainë, ndërsa firma ushtarake private ruse “Wagner Group” tha se kapja e qytetit të minierave të kripës Soledar në Ukrainën lindore ishte e plotë, megjithëse ushtria ukrainase tha se beteja nuk kishte përfunduar.
Ministri rus i Mbrojtjes Sergei Shoigu emëroi të mërkurën shefin e Shtabit të Përgjithshëm Valery Gerasimov si komandant të përgjithshëm për atë që Moska e quan “operacioni i saj special ushtarak” në Ukrainë, tashmë në muajin e 11-të.
Lajmi u bë i ditur nga agjencia “Reuters”.
Ndryshimi efektivisht largon gjeneralin Sergei Surovikin, i cili u emërua vetëm në tetor për të udhëhequr pushtimin dhe mbikëqyri sulmet e rënda në infrastrukturën energjetike të Ukrainës.
Më herët, kompania amerikane e hapësirës ajrore “Maxar” publikoi imazhe satelitore të qyteteve Soledar dhe Bakhmut të rajonit të Donetsk-ut, të cilat po përpiqen t’i kapin forcat ruse.
Pamjet u postuan nga “Maxar Technologies” në median sociale “Twitter”.
Pamjet satelitore tregojnë se ndërtesat e banimit dhe shkollat janë shkatërruar plotësisht në Soledar.
Në Bakhmut, ka mijëra gropa predhash përgjatë rrugëve dhe fushave.
Lufta për kontrollin e Soledar dhe Bakhmut në Ukrainën lindore është beteja “më e përgjakshme” për forcat ruse dhe ato ukrainase që nga fillimi i pushtimit në shkurt të vitit 2022.
Kështu është shprehur në një intervistë për “AFP”-në Mykhailo Podoliak, këshilltar i presidencës ukrainase.
“Çfarëdo që po ndodh sot në drejtim të Bakhmut-it apo Soledar-it, është skenari më i përgjakshëm i kësaj lufte”, ka thënë zyrtari ukrainas.
Podoliak e ka përmbledhur situatën e atjeshme si “shumë gjak, shumë duele artilerie, shumë luftime, veçanërisht në Soledar”.
Po ashtu ai ka ravijëzuar se aktualisht është “pika më e nxehtë e luftës”.
Misteri i Gerasimov-it, spastrimet ruse dhe gabimet e spiunëve amerikanë
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Dokumentari i Rai 3: Ironi dhe akuza në Kuvendin e Shqipërisë
-
Basha drejtuar deputetëve: Të mbështesim amendamentet pro SPAK-ut dhe kundër korrupsionit
-
Rafahu nuk është Stalingradi i Gazës – është një tjetër manipulim nga Netanyahu
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE