Gjatë tre muajve të fundit, numri i rasteve të shkeljes së navigimit GPS të avionëve civilë është rritur ndjeshëm në Norvegji.
Lajmi u bë i ditur nga portali norvegjez “Dagbladet”.
Sipas Nikolay Gerrada, një inxhinier i lartë në Autoritetin Kombëtar të Komunikimeve Norvegjeze, ndërprerjet në lundrimin e aviacionit janë rritur në provincën verilindore të Finnmark-ut.
Kjo e fundit, kufizohet me Rusinë.
Vetëm në ditët e fundit, katër avionë kanë raportuar humbje të sinjalit GPS.
Në total që nga fillimi i vitit ka pasur 25 incidente të tilla – më shumë se në të gjithë vitin 2020 apo 2021.
“Për mendimin tonë, kjo (ndërprerje) lidhet me luftën në Ukrainë. Fakti që ato u intensifikuan pak para një sulmi kibernetik në shkallë të gjerë mund të jetë thjesht një rastësi”, pohoi përfaqësuesi i rregullatorit norvegjez.
Gerrada vëren se burimi i ndërhyrjes ndodhet në lindje të kufirit të pjesës lindore të provincës Finnmark, ku ndodhet Rusia.
Siç kujton Dagbladet, kjo nuk është hera e parë që Norvegjia akuzon Rusinë për bllokim të navigimit GPS.
Për herë të parë, një incident i ngjashëm ndodhi në vitin 2017 gjatë stërvitjeve të NATO-s.
Në dhjetor të vitit 2020, Oslo u përpoq ta zgjidhte këtë çështje me Moskën zyrtare përmes kanaleve diplomatike.
Ajo mori garanci se nuk do të kishte më bllokime GPS. Por në fakt, intensiteti i incidenteve të tilla u rrit në dy vitet në vijim.
Ambasada ruse në Norvegji, e pyetur nga Dagbladet, tha se “nuk ishte në dijeni të ndonjë kërkese zyrtare” në lidhje me ndërprerjet e GPS-së.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Kur u bëra meme ishte poshtëruese dhe lënduese – Dua Lipa shfaq çdo anë të saj pa dorashka për The Guardian
-
Ahmeti: Pushka pas lufte dhe fjala pas Kuvendit s’kanë vlerë, vendit i duhet stabilitet
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste
Lajmet kryesore
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Qeveria po e trajton si armike shtresën e mesme, sipas Bashës
-
Nëse Trump fiton, do të kërkojë angazhim me 3% të PBB-së për vendet e NATO-s
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste