Afro 1.3 milionë të dhëna personale të përdoruesve të aplikacionit të bisedave audio, Clubhouse, kanë dalë në internet.
The Verge, faqe kushtuar të rejave teknologjike, tregon se një bazë e të dhënave SQL me numrat personal të identifikimit, emrat e përdoruesve dhe të dhënat e Instagram-it dhe Twitter-it së bashku me ndjekësit e tyre, janë postuar në një forum online të hacker-ave.
Në mesin e informacioneve të nxjerra nuk rezultonin informacione të ndjeshme të përdoruesve siç janë numrat e kartave të kreditit. Mirëpo, informacioni i dalë mund të përdoret në përpjekjet për mashtrim për t’i detyruar përdoruesit t’i dorëzojnë ato informacione.
Kjo rrjedhje e informacionit nuk është e vetmja. Gjatë javës së kaluar u zbulua se nga platforma Linkedin u postuan në internet të dhëna të më shumë se 500 milionë përdoruesve.
Megjithatë Microsoft-i që ka në pronësi platformën, ka njoftuar se asnjë e dhënë e llogarive private të anëtarëve nuk është bërë pjesë e rrjedhjes së informacionit.
Rasti i Linkedin-it erdhi disa ditë pas zbulimit të të dhënave personale të rreth 533 milionë përdoruesve të Facebook-ut, të cilat u zbuluan në internet falas.
Kjo rrjedhje e informacionit mendohet se përfshinte numrat e telefonit të përdoruesve, datat e lindjes, vendndodhjet, adresat e postës elektronike dhe emrat e tyre të plotë.
Lidhur me rastin e Clubhouse-it, kompania nuk ka dhënë ende një koment.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel