Pas gati tre jave pushim, për shkak të angazhimit të lojtareve me skuadrën Kombëtare të Shqipërisë për kualifikueset e Kupës së Botës, kampionati i femrave rikthehet sërish këtë fundjavë. Aty ku e la, në javën e tretë të tij.
Kjo javë e tretë e kampionatit do të nisë me sfidën Lushnja – Partizani, që do të zhvillohet ditën e shtunë në stadiumin “Roza Haxhiu” duke nisur nga ora 12:00.
Myzeqaret e nisën mjaft mirë kampionatin, duke marrë një fitore në shtëpi në javën e parë ndaj Teutës, teksa në javën e dytë pësuan një humbje në transfertën e Tiranës.
Ndërkaq, edhe Partizani ka të njëjtin numër pikësh, po aq sa Lushnja, ku ka marrë një fitore dhe një humbje në dy javët e para të kampionatit.
Tirana AS do të udhëtojë drejt Shkodrës, ku do të përballet me Atletik Klub, në një sfidë mjaft interesante, ku të dyja skuadrat do të kërkojnë tre pikët e para në kampionat.
Tirana AS gjendet në kuotën e 0 pikëve, me vetëm një humbje dhe një ndeshje më pak se skuadrat e tjera në kampionat.
Shkodranet kanë marrë barazimin e parë ndaj Skënderbeut, ndërsa në javën e dytë pësuan një humbje të thellë nga Murlani. Ndeshja do të luhet në kompleksin Zmijani ditën e shtunë, duke nisur nga ora 15:00.
Tre sfidat e tjera të javës do të zhvillohen ditën e diel. Kinostudio pret në Qendrën e Ekipeve Kombëtare ekipin e Skënderbeut, ndërsa do të kërkojnë të marrin fitoren e parë në këtë sezon të ri futbollistik. Ndeshja do të nisë nga ora 12:30.
Në dy ndeshjet e tjera, Murlani do të udhëtojë drejt Fierit, një përballje mjaft interesante kundër Apolonisë që gjendet në kuotën e gjashtë pikëve pas dy javëve të para. Ndeshja do të luhet në Loni Papuçiu duke nisur nga ora 14:00, ndërsa në po të njëjtën orë, Teuta pret në Durrës bardheblutë e Tiranës.
Ndeshjet e javës së tretë:
Lushnja-Partizani, e shtunë ora 12:00
Atletik Club-Tirana AS, e shtunë ora 15:00
Apolonia-Murlani, e diel ora 14:00
Kinostudio-Skenderbeu, e diel ora 12:30
Teuta-Tirana, e diel ora 14:00
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
A mund ta përballojë BE-ja zgjerimin me Ukrainën dhe Ballkanin?
-
Tritoli në banesën e gjyqtarit, KLGJ: Kërcënim serioz për gjithë shoqërinë
-
Sa herë që jemi pranë marrëveshjes, ka sabotazh nga të dyja palët: Izraeli dhe Hamasi janë fajtorë, thotë Katari
-
Përkrahja e Kurtit s’i ndihmojë VLEN-it t’i fitojë zgjedhjet, Kasami për AP: Bashkëpunimi do të vazhdojë
