Kryeministri i Shqipërisë, Edi Rama, ka përkujtuar 578-vjetorin e “Beslidhjes së Lezhës” me një foto të emblemës në nder të kësaj dite.
“2 mars 1444-2 mars 2022”, poston Rama në median sociale Facebook duke kujtuar heroizmin e shqiptarëve kundër pushtimit osman.
“Beslidhja e Lezhës”
“Besëlidhja e Lezhës”, e njohur edhe me emërtimet tjera si “Lidhja Shqiptare e Lezhës”, “Kuvendi i Lezhës”, “Liga e Princave Shqiptarë”, është një prej ngjarjeve më të rëndësishme të historisë së popullit shqiptar.
Ajo u mbajt më 2 mars të vitit 1444, në katedralen e Shën Nikollës në qytetin e Lezhës, aty ku sot gjendet memoriali i Gjergj Kastriot Skënderbeut.
Lezha kishte një pozitë gjeografike tepër të favorshme për mbajtjen e kuvendit. Ajo ndodhej në afërsi me zotërimet e pjesëmarrësve kryesorë të kuvendit, veçanërisht me ato të Dukagjinasve e Kastriotëve.
Qëllimet e kuvendit ishin bashkimi i sa më shumë fisnikëve e principatave nga tokat që, më parë, ishin të njohura si toka të perandorisë së Bizantit, si dhe rimëkëmbja e Mbretërisë së Arbrit.
Ky kuvend mbështetej edhe nga Papa, pasi me këtë do të ngadalësohej depërtimi i Perandorisë Osmane në Ballkan.
Krijimi i një Besëlidhjeje mbarëshqiptare ishte bërë mbi principe të gjuhës, dokeve dhe traditave të veçanta, në krye me Skënderbeun. Besëlidhja, formimin e një ushtrie të përbashkët të komanduar nga Skënderbeu si Kapiten i përgjithshëm dhe krijimi i një arke të përbashkët për të përballuar shpenzimet e luftës.
“Lidhja e Lezhës” në historinë shqiptare shënon një hap përpara bashkimit të tokave shqiptare në një shtet të përqendruar, me të cilin arrin pikën kulmore tradita shtetërore në mesjetën shqiptare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Këshilltarët bashkiakë të opozitës propozojnë shtimin e tre pikave në rendin e ditës
-
KP urdhër KPA: Ndryshoni vendimin për Aflred Ballën, t’i hiqet e drejta për të ushtruar funksione në sistemin e drejtësisë
-
Tritoli në banesën e gjyqtarit, Unioni i Gjyqtarëve: Akt kriminal, kërcënim ndaj të gjithë magjistratëve
-
Humza Yousaf do të japë dorëheqjen si ministër i parë i Skocisë që sot, sipas BBC
Lajmet kryesore
-
Tritoli në banesën e gjyqtarit, Unioni i Gjyqtarëve: Akt kriminal, kërcënim ndaj të gjithë magjistratëve
-
Pedro Sanchez qëndron, nuk dorëhiqet nga pozita e kryeministrit
-
Baerbock bën fushatë për integrimin e Ballkanit, në përvjetorin e zgjerimit të BE-së në 2004
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku