![](https://albanianpost.com/wp-content/uploads/2021/01/Rama-kosoves-vaksina.png)
Kryeministri Edi Rama gjendet në Stamboll për të përmbyllur marrëveshjen mbi vaksinat kineze, pas aprovimit të Ministrisë së Shëndetësisë mbi sigurinë e përdorimit të tyre.
“Në Stamboll për më shumë vaksina. O ia dalim o ia dalim, s’ka tjetër dhe po s’ia dolëm ne, askush tjetër nuk ka si ia del dot!”, shkruan Rama në Twitter.
Në Stamboll për shumë vaksina🙏 O ia dalim o ia dalim, s'ka tjetër dhe po s'ia dolëm ne askush tjetër nuk ka si ia del dot!
— Edi Rama (@ediramaal) March 25, 2021
Shqipëria aktualisht ka vënë në përdorim vaksinat nga kompania amerikane Pfizer dhe ajo britanike AstraZeneca. 10 mijë doza të vaksinës ruse Sputnik V iu dhuruan vendit tonë nga Emiratet e Bashkuara Arabe. Ato gjithsesi pritet të vihen në përdorim masiv nga e hëna.
Me aprovimin e vaksinës kineze, pritet të rritet numri i të vaksinuarve në vend. Shqipëria e ka nisur procesin e vaksinimit ndër të parat në rajon. Deri tani janë vaksinuar 53 mijë e 992 persona. Ndër ta, mjekët e kanë përfunduar marrjen e të dy dozave.
Moshat e treta dhe mësuesit kanë qenë prioriteti i radhës, nga të cilët një pjesë e mirë kanë marrë dozën e parë tashmë.
Vaksina kineze e Sinovac do të jetë e katërta që vihet në përdorim në Shqipëri nëse marrëveshja arrihet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Asllani ‘qan’ rastin e Manajt, Sylvinho kërkon fokus, Bajrami me sytë nga Kroacia
-
Reforma territoriale la fshatin pa shërbime dhe përkeqësoi cilësinë e tyre në qytet, sipas Bankës Botërore
-
Jordan Bardella mund të jetë kryeministër i Francës së shpejti, por për shumë ai mbetet një enigmë
-
Robertson: Ne i dhamë Kosovës lirinë – e çliruam nga dhuna që po bëhej ndaj saj