Paneli Zgjedhor për Ankesa dhe Parashtresa gjatë ditës së martë ka njoftuar se ka pranuar 46 ankesa për parregullsi në Zgjedhjet Lokale gjatë 24 orëshin e parë pas mbylljes së vendvotimeve.
Sipas tyre, ankesat kanë qenë për thyerje të heshtjes zgjedhore – sponsorizim i postimeve në Facebook, thirrje për të votuar përmes SMS-ve, thirrje për të votuar përmes rrjetit social Facebook, vendosja e posterit në afërsi të Qendrave të Votimit.
Në PZAP, ankesa ka pasur edhe për postimn e një fotografie me përmbajtje elektorale në rrjetin social, shpërndarje e videove, fotove me përmbajtje elektorale në rrjetin social, thyerje e heshtjes zgjedhore – thirrje për të votuar nëpërmjet postimit të fotos se fëmijëve në rrjete sociale, nuk i është mundësuar votimi në vendvotim.
“Ankesa për shkak të mungesës së votave, parregullsi në vendvotime, parregullsi gjatë numërimit të votave nga ana e Këshillave të Vend Votimeve, grumbullimi i njerëzve si presion ndaj votuesve për të votuar subjektin e caktuar politik, fletëvotime te pavulosura etj”.
Ndërsa bëhet e ditur se ankesat janë paraqitur nga individ, subjekte politike, kandidatë për anëtar të Kuvendeve Komunale, të cilat duhet të shqyrtohen dhe vendosen nga PZAP-ja për 72 orë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
