Presidenti rus, Vladimir Putin, ka akuzuar Perëndimin për dëmtimin e interesave të veta kombëtare.
Sipas tij, shtetet perëndimore po provokojnë një krize globale, duke vendosur sanksione ndaj Rusisë për pushtimin e saj në Ukrainë.
Putin, në një mbledhje të qeverisë për çështjet ekonomike, tha se “çmimet e mallrave janë rritur me më shumë se 11% në eurozonë”.
Në fjalët e tij, të cilat u transmetuan në kanalin shtetëror të lajmeve Rossiya 24, ai paralajmëroi se “vazhdimi i obsesionit me sanksione do të çojë në mënyrë të pashmangshme në pasojat më komplekse, gati të pakthyeshme për Bashkimin Evropian”.
Putin theksoi gjithashtu se “elitat e vendeve perëndimore” janë fajtore për shkaktimin e efekteve të dëmshme për vendet më të varfra, duke sugjeruar se ata “janë të gatshëm të sakrifikojnë pjesën tjetër të botës, në mënyrë që të ruajnë dominimin e tyre global”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin
