Princi i Charles i Uellsit ka pranuar çanta me miliona euro para të gatshme gjatë takimeve me një politikan të lartë të Katarit.
Kjo sipas një raporti të publikuar nga britanikja “The Guardian”.
Princit Charles thuhet se i janë dhënë një total prej 3 milionë eurosh gjatë takimeve me Sheikh Hamad bin Jassim bin Jaber Al-Thani, ish-kryeministrin e Katarit.
Paratë iu dorëzuan trashëgimtarit të fronit britanik në një valixhe si dhe në çanta transportuese Fortnum & Mason, dyqani që mban një urdhër mbretëror për të furnizuar familjen e princit me sende ushqimore.
Dorëzimi dyshohet të ketë ndodhur gjatë takimeve mes tyre, duke përfshirë një takim privat në Clarence House në vitin 2015.
Në një deklaratë, një zëdhënës i “Clarence House” tha se paratë e dhëna gjatë takimit të vitit 2015 “u kaluan menjëherë një prej bamirësive të princit”.
Valixhja që përmbante paratë iu dha dy këshilltarëve të Charles, të cilët thuhet se i kishin numëruar paratë me dorë.
Ndihmësit e pallatit thuhet se i kanë kërkuar Coutts, bankës private që vepron për familjen mbretërore, që të mbledhë paratë.
Çdo pagesë u depozitua në llogaritë e Fondit të Bamirësisë së Princit të Uellsit (PWCF).
Nuk ka asnjë sugjerim se pagesat ishin të paligjshme, raportoi sot “Sunday Times”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin
