Kryetari i Komitetit Olimpik të Kosovës, Ismet Krasniqi, sot (e premte) ka zhvilluar një takim online me presidentin e Komitetit Olimpik Ndërkombëtar, Thomas Bach.
I pari i Komitetit Olimpik në botë, ka shprehur vullnetin e madh dhe gatishmërinë që të bashkëpunojë me presidentin Krasniqi në ciklin e ardhshëm olimpik, derisa ka konfirmuar mbështetjen për KOK-un në programe të ndryshme për të promovuar vlerat olimpike në Kosovë.
Ai gjithashtu uroi Krasniqin për zgjedhjen në krye të KOK-ut, derisa urime të njëjta i përcolli edhe i pari i KOK-ut në adresë të Bachut, për rizgjedhjen e tij edhe për një mandat në krye të KON-it.
Presidenti Krasniqi, që shoqërohej nga këshilltari i tij, Besim Aliti, i kanë prezantuar programin e KOK-ut për ciklin olimpik 2021 – 2024, për të cilin u përgëzuan nga presidenti Bach.
Presidenti Beach propozoi që takimi i radhës me Krasniqin ta mbajë edhe fizikisht në Tokio, gjatë Lojërave Olimpike “Tokyo 2020”, duke i uruar suksese ekipit olimpik të Kosovës.
Paraprakisht drejtuesit e KOK-ut do të takohen edhe me drejtorin e Solidaritetit Olimpik të Komitetit Olimpik Ndërkombëtar, James Macloud, takim që do të mbahet javën e ardhshme në Athinë, gjatë Asamblesë Zgjedhore të Komitetit Olimpik të Evropës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës
