Ilir Tolaj, But Deda, Salih Salihu, Sefer Avdijaj, Ermir Rogova dhe Qerim Qerimi janë gjashtë kandidatët që synojnë postin e rektorit të Universitetit të Prishtinës (UP).
Lajmin e ka bërë të ditur udhëheqësi i Këshillit Drejtues të Universitetit të Prishtinës (UP), Altin Sahiti.
Ky konkurs është hapur për arsyeje që ish-rektori, Naser Sahiti, para tri javëve, është shkarkuar nga Këshilli Drejtues i UP-së.
Të premten e 21 tetorit, Naser Sahiti, është shkarkuar nga pozita e rektorit të Universitetit të Prishtinës (UP).
Naser Sahiti, gjatë një interviste në T7, kishte deklaruar se ministrja e Arsimit, Shkencës dhe Teknologjisë, Arbërie Nagavci, është e përfshirë në përpjekjet për shkarkimin e tij nga pozita.
“Nuk mundem të flas për qeverinë në tërësi, sepse nuk e di se si konsultohen ndërmjet vete”, ka thënë fillimisht ai duke vazhduar me pohimin, “por po, ministrja është e përfshirë në këtë zhvillim të ri në UP”.
Ndërkaq, duke iu përgjigjur zërave se është mbështetës i Partisë Demokratike të Kosovës, Sahiti e mohoi një gjë të tillë.
“Jo që s’jam zyrtar i PDK-së, por as që kam qenë në ndonjë takim apo që kam ndonjë fotografi me struktura e tubime të PDK-së”.
Ai bëri të ditur se do të paraqesë ankesë tek organet e drejtësisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rrëfimi rrëqethës i Ermal Metës për sulmet e panikut: Për një kohë të gjatë u vetësabotova, përfundova në telashe me sjellje të paqarta, terapia ishte themelore
-
Tornadot në Oklahoma vranë të paktën katër persona dhe lanë dhjetëra të plagosur
-
Vazhdon gjyqi ndaj ish-krerëve të UÇK-së
-
Punëtorët e ndihmës në Lampedusa dënojnë planin e Mbretërisë së Bashkuar për Ruandën, pas vizitës së Cleverly
