![](https://albanianpost.com/wp-content/uploads/2022/01/112-780x439-1.png)
Për të tretën herë me radhë, Policia e Kosovës, ka pranuar një telefonatë anonime, që në Stacionin e Autobusëve në Prishtinë është vendosur mjet shpërthyes.
Lajmin për Albanian Post e ka konfirmuar , zëdhënësja e Policisë së Kosovës për Rajonin e Prishtinës, Flora Ahmeti.
“Rreth orës 12:30, kemi pranuar një telefonatë anonime, përmes së cilës një person ka deklaruar se ka vendosur mjete shpërthyese në Stacionin e Autobusëve, në Prishtinë”, deklaroi Ahmeti.
![](https://albanianpost.com/wp-content/uploads/2022/01/21.png)
Ndërkaq, bën të ditur se përsëri policia ka ndërmarrë të gjitha masat e sigurisë.
“Menjëherë policia ka ndërmarrë të gjitha masat e sigurisë në atë zonë. Në një perimetër të caktuar ka evakuuar qytetarët, ndërkohë që janë angazhuar njësitet përkatëse për trajtimin e informatës”.
Personi anonim i cili është duke telefonuar Policinë e Kosovës, po raporton se ai ka vendosur mjete shpërthyese, ndërsa dy herët e kaluara, Policia ka konfirmuar se nuk kishte gjetur asnjë mjet të dyshimtë.
Më 23 dhjetor, përveç policisë së Kosovës, kanë qenë edhe Ekipet Mjekësore të Ndihmës së Parë dhe Ekipet e Zjarrfikësve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ben-Meir rreth ‘njohjes reciproke’ mes Kosovës e Serbisë: Dialogu të fillojë nga e para – palët të bëjnë koncesione
-
Izraeli të martën nënshkruan marrëveshje me Kosovën për heqjen e vizave
-
Osmani për herë të tretë takohet me presidentin e Kenias, diskutojnë për avancimin e raporteve
-
Sveçla insiston se ndërkombëtarët “s’po e kritikojnë” për aksionet policore në veri