Gjuha shqipe është shkruar me alfabete të ndryshme, të cilët kanë qenë në përdorim në rajon.
Në Periudhën Osmane, gjuhën shqipe e gjejmë të shkruar edhe me alfabet arab, pjesë të cilën e ka sjellë në vëmendje Arkivi Shtetëror.
Klerikët shqiptarë shpeshherë na kanë sjellë tekste dhe shkrime me përmbajtje fetare në gjuhën shqipe.
Në këto dy fletë kemi pjesë ilahi në turqishten e vjetër dhe në shqip, ku karakteristikë është mënyra e të shkruarit shqip.
Duke qenë me përmbajtje fetare, në shkrim janë përdorur edhe fjalë me terminologji arabe.
Te një nga poezitë: “Hadha ilahi arnavuça” – “Kjo është ilahi shqip”
Kaligrafia e përdorur është nesih dhe teksti është ndarë në katër kolona.
Ndarja e kolonave është bërë me një shenjë luleje me ngjyrë të kuqe dhe vargjet janë të shkruara në dy rreshta.
Ashtu si në gjuhën arabe janë shkruar vetëm bashtingëlloret, kurse zanoret vendosen sipas shqiptimit.
Si lexohet:
“Jam ni vaiz ipa yxhret le t’vijë për thevap t’vet e kush t’do t’shejtit për her t’bin salavat”
“Kush t’do t’me nigjue se s’due me mpague se me ditë kijamet jardëm iban arasat”
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Çfarë përfiton Tajvani nga paketa e ndihmës së huaj?
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
