Në brezin kufitarë mes Republikës së Kosovës dhe Serbisë janë arrestuar dy shtetas të Kosovës nga ana e policisë serbe.
Ministria e Punëve të Brendshme (MPB) të Serbisë ka njoftuar se të arrestuarit janë G.M (2000) dhe N.M. (1969). Sipas MPB-së serbe, të njëjtit dyshohen për vjedhje të pyjeve në territorin e Serbisë.
“Policia ka arrestuar të dyshuarit në Dabinovc, ku në mënyrë të paligjshme kanë prerë pyllin dhe me këtë rast ka konfiskuar një traktor me rimorkio të punuar me dorë, të ngarkuar me dru zjarri dhe një sharrë elektrike me motor, që të dyshuarit e kanë përdorur gjatë krimit”, thuhet në njoftim e MPB-së serbe.
Tutje në njoftimin e MPB-së serbe thuhet se të dyshuarve u është caktuar masa e ndalimit prej 48 orësh dhe me kallëzim penal do të dërgohen në prokurorinë kompetente.
Lidhur me rastin, Albanian Post ka tentuar të marr një përgjigje nga ana e Policisë së Kosovës, por që të njëjtit ende nuk janë përgjigjur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE thotë se nevojiten më shumë burime për të luftuar dezinformimin rus – Ballkani i prekur
-
Erion Veliaj paraqitet në SPAK për inceneratorin e Tiranës
-
IDF finalizon planet e Rafah, 72 orët vendimtare
-
Regjistrimi i serbëve në Veri do të shfaqte manipulimet me listat zgjedhore – “hezitimi, rezultat i institucioneve të Kosovës”