Tashmë është edhe zyrtare. Mauricio Pochettino do të jetë trajner i Chelsea-t.
Argjentinasi prej kohësh ishte i lidhur me skuadrën londineze, derisa para pak çasteve ka nënshkruar kontratë me blutë deri në vitin 2026.
Palët mësohet se kanë firmosur kontratën, ndërsa së shpejti pritet edhe zyrtarizimi.
BREAKING: Mauricio Pochettino has signed a contract to become the next Chelsea manager 🔵✍️pic.twitter.com/08oJ0JRa6U
— Sky Sports Premier League (@SkySportsPL) May 28, 2023
Ndërkohë Lampard do të jetë në krye të Chelsea-t për herë të fundit kundër Newcastle në ndeshjen e fundit në Premier Leauge që do të zhvillohet sot (e diele, 28 maj).
Ndërsa Pochettino do ta marrë timonin e skuadrës menjëherë pas kësaj ndeshje.
Kjo do të jetë aventura e pestë e argjentinasit në punën e trajnerit.
Më herë ai kishte drejtuar Espanyol-in, Southampton-in, Tottenham-in dhe PSG-në.
Kujtojmë që Chelsea kishte ndërruar dy trajnerë në këtë edicion, i cili ishte për t’u harruar nga londinezët.
Thomas Tuchel e nisi sezonin, derisa ai u shkarkua për të ardhur Grahm Potter, i cili gjithashtu u shkarkua dhe trajner i përkohshëm ishte emëruar Frank Lampard.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com