Përkeqësohet bilanci i viktimave në Kramatorsk: 50 të vdekur, mes tyre edhe fëmijë

Dy raketa ruse që goditën një stacion hekurudhor në qytetin Kramatorsk, i cili gjendet në Ukrainën Lindore, ka shkaktuar 50 viktima, mes tyre pesë fëmijë – duke u përkeqësuar kështu bilanci.

Numrin e ka konfirmuar guvernatori i Donetsk-ut, Pavlo Kyrylenko.

Kryetari i bashkisë së Kramatorsk, Oleksander Honcharenko tha se rreth 4 mijë njerëz kishin qenë në stacion në kohën e sulmit.

Këta të fundit po përpiqeshin për t’u evakuuar në zona më të sigurta të Ukrainës.

Presidenti ukrainas, Volodymyr Zelenskiy, tha më herët se asnjë trupë ukrainase nuk ishte në stacionin e trenit kur u sulmua.

Nga ana tjetër, Agjencia e lajmeve ndërkombëtare “Reuters” ka raportuar se ky stacion përdoret për evakuimin e civilëve nga zonat që gjenden nën bombardimet nga forcat ruse.

Ndërsa Zelensky më herët ka njoftuar se stacioni i trenit është goditur nga një raketë tip “Tochka-U”.

Sakaq, tre trena që transportonin të evakuuar u bllokuan në të njëjtën pjesë të Ukrainës të enjten, pas një sulmi ajror në linjë, sipas kreut të Hekurudhave të Ukrainës.

Në median sociale “Twitter” u publikuan video, ku shfaqeshin pamjet nga stacioni, me një numër të madh njerëzish, që rrinin në radhë, për të hipur në tren. Kramatorsk është në Donetsk Oblast.

Zivilisten am Bahnhof Kramatorsk wollten von den 🇷🇺Schergen nur noch fliehen. Einfach weg von „großer russischer Kultur“. Sie wurden kaltblutig beschossen. Über 30 Opfer. Verdammte Mörder pic.twitter.com/43iQI95nRU

— Andrij Melnyk (@MelnykAndrij) April 8, 2022

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.