Përgjime nga Policia – në Izrael u përdor “Pegasus” ndaj zyrtarëve, gazetarëve dhe aktivistëve
Sipas një raporti të “Calcalist” të hënën, policia izraelite ka përdorur programin spiun “Pegasus të NSO-së” për të përgjuar telefonat e figurave publike, duke përfshirë politikanë, gazetarë, aktivistë, punonjësit e qeverisë dhe bashkëpunëtorët e ish-kryeministrit Benjamin Netanyahu.
Në raport thuhej se mjeti i hakerimit është përdorur pa urdhër gjykate dhe kundër djalit të Netanyahu-t, Avner Netanyahu, i bashkëpandehuri në gjyqin e tij penal Iris Elovitch, liderëve të protestave për të drejtat e aftësisë së kufizuar, gazetarëve në “website”-in e lajmeve Walla, biznesmenit Rami Levy, kryetarëve të bashkive dhe zyrtarë të lartë në Ministrinë e Financave.
Këshilltarët e medias së Netanyahu-t, Topaz Luk dhe Yonatan Urich ishin gjithashtu në shënjestër, së bashku me kreun e Sindikatës së Punëtorëve Yair Katz.
Telefonat e ish-drejtorit të Përgjithshëm të Ministrisë së Financave, Shai Babed, ish-drejtores së përgjithshme të Ministrisë së Drejtësisë, Emi Palmor, dhe ish-drejtores së Përgjithshme të Ministrisë së Transportit, Karen Turner, raportohet se janë përgjuar gjithashtu.
Ministrja e Brendshme, Ayelet Shaked, bëri thirrje për të krijuar një komision të jashtëm hetimor për raportet.
Në janar, Tomer Ganon i Calcalist publikoi një seri artikujsh, ku jepte detaje sesi Policia e Izraelit përdori “spyware”-in famëkeq kundër qytetarëve izraelitë për vite me radhë pa një urdhër apo urdhër gjykate.
Të martën, Policia e Izraelit pranoi keqpërdorimin e programit “spyware”. Burime në forcat e rendit thanë se keqpërdorimi ka ndodhur gjatë mandatit të ish-komisarit të policisë, Roni Alsheich.
Të nesërmen, mediat raportuan se policia përdori “spyware” për të nxjerrë informacion nga telefoni i ish-drejtorit të Përgjithshëm të Ministrisë së Komunikimeve, Shlomo Filber, i cili më vonë u bë dëshmitar i shtetit dhe që pritet të dëshmojë në çështjen Bezeq-Walla në të cilën Netanyahu është i akuzuar.
Pas raportimit, avokatët mbrojtës të të pandehurve në çështjen 4 mijë të Netanyahu-t, Iris dhe Shaul Elovitch, pritet të kërkojnë shtyrjen e dëshmisë së Filber-it, e cila supozohej të fillonte javën e ardhshme.
Prokurorët nuk kanë vendosur ende nëse do të mbështesin shtyrjen, pasi presin detaje nga policia në lidhje me mënyrën dhe shtrirjen e përdorimit të “spyware”.
Pyetja kryesore është nëse informacioni i nxjerrë në këtë mënyrë është përdorur gjatë hetimit, me policinë që pretendon se njësia që përdori këtë “spyware” nuk ua transferoi materialin hetuesve.
“Spyware Pegasus” u lejon operatorëve të tij të aksesojnë nga distanca telefonat celularë të infektuar me “softwer”-in.
I shitur tek agjencitë e inteligjencës dhe të zbatimit të ligjit në të gjithë botën, “spyware” shfrytëzon dobësitë e sigurisë në sistemet operative “Android” dhe “iPhone” për të fituar akses në përmbajtjen e pajisjes – nga mesazhet te fotot.
Programi gjithashtu mundëson aktivizimin në distancë të kamerës dhe mikrofonit të telefonit, pa dijeninë e viktimës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
3 Maj: Ndrydhja e shtypit të lirë është intensifikuar
-
Indeksi i “Reporterëve Pa Kufij” – vlerësimi më negativ që i është bërë Kosovës në dekadën e fundit
-
Cameron premton 3 miliardë paund në vit ndihmë për Ukrainën “për aq kohë sa është e nevojshme”
-
Një darkë në Elysee për të bindur Scholz-in për Kinën
Lajmet kryesore
-
Apeli i ‘shurdhët’ i Celibashit për mundësimin e votës së diasporës
-
“Reporterët Pa Kufij”: Liria e shtypit në Shqipëri po kërcënohet nga politika
-
Një darkë në Elysee për të bindur Scholz-in për Kinën
-
Kosova shënon regres për 19 vende në indeksin e “Reporterëve Pa Kufij” – gazetarët vazhdojnë të jenë cak i sulmeve politike