Përfaqësuesit e Luginës së Preshevës, të martën do të paraqiten para senatit në Shtetet e Bashkuara të Amerikës.
Lajmin e ka bërë të ditur kryetari në detyrë i Këshillit Kombëtar Shqiptar për Luginën e Preshevës, Ragmi Mustafi.
Ai përmes një shkrimi në rrjetin social ‘Facebook’ ka thënë se do të paraqitet pozita e vështirë e komunitetit shqiptar dhe diskriminimi ndaj tyre.
“Pas një angazhimi të madh me Ligën Qytetare Shqiptaro – Amerikane të kryesuar nga Joe and Shirley DioGuardi për të raportuar pozitën e vështirë të komuniteti shqiptar dhe diskriminimin sistemik para Senatit në këto momentet jashtëzakonshme për zhvillimet politike”, ka shkruar Mustafi.
“Senatorët Ernst dhe Peters janë bashkëkryetarë të grupit kongresit për çështjet shqiptare të Senatit në SHBA. Një ngjarje e rëndësisë historike në nivel Senati për shqiptarët e Luginës”.
Ai tutje ka thënë se do të kërkojnë recprocitet të cilat ndërlidhen me tri çështje.
“Përfundimisht, pjesë e axhendës së Capitol Hill-it. Reciprocitet për barazi, barazi për paqe, paqe për prosperitet”.
Ndryshe, pas dy dekadash shqiptarët që jetojnë në pjesë e Luginës së Preshevës kanë marrë pjesë në regjistrimin e popullsisë.
Në Serbi nuk kishte numër të saktë të banorëve shqiptarë, pasi shqiptarët patën bojkotuar regjistrimin e popullsisë të bërë më 2011.
Shaip Kamberi vazhdon të jetë deputeti i vetëm shqiptar në Parlamentin e Serbisë.
I cili vazhdimisht e thekson se Kosova është shtet i pavarur dhe se asnjëherë tjetër nuk do t’i nënshtrohet regjimit serb dhe ligjeve të tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
