Për të parën herë publikisht – Pete Davidson e quan Kim Kardashian “të dashurën e tij”

Komediani, Pete Davidson e ka quajtur për herë të parë publikisht si “të dashurën e tij”, modelen e famshme, Kim Kardashian.

Kur u pyet nëse fama e tij e shtuar kishte çuar në një mënyrë jetese më “argëtuese”, Davidson thjesht u përgjigj se shumica e ditëve të tij konsistojnë në “shfaqjen e tij në një grup” ose dalje me miqtë apo “të dashurën”.

“Nëse jam jashtë, ose rri me miqtë e mi ose qetësohem me të dashurën time brenda. Kështu që unë nuk bëj shumë”, tha Davidson për People duke iu referuar Kardashian.

Kjo ka shënuar herën e parë që ai ose Kardashian kanë adresuar publikisht statusin e marrëdhënies së tyre.

Themeluesja e Skims, 41 vjeçe, dhe ylli i “Saturday Night Live”, 28 vjeç, ndezën thashethemet për romancë pasi Kardashian ishte e ftuar në “SNL” dhe madje ndau një puthje në ekran në muajin tetor të vitit të kaluar  – disa javë më vonë, të dy dolën publikisht duke mbajtur duart e njëri-tjetrit.

Që atëherë, “zogjtë e dashurisë” kanë shfrytëzuar shumë romancën e tyre, ndërsa edhe familja e Kim, duket ta dojë shumë dhëndrin më të ri, posaçërisht, e motra – Khloe Kardashian.

“Khloe e do Pete dhe është shumë e lumtur të shoh se sa e lumtur e bën motrën e saj”, tha një burim ekskluzivisht për Page Six.

Por, Khloe, duket të mos jetë e vetmja nga familja më e famshme në botë, që është emocionuar pafund për romancën e re të Kim Kardashian.

Një burim tjetër, zbuloi se matriarku, Kardashian-Jenner është “tashmë e fiksuar” pas humoristit.

“E gjithë familja është një fanse e Pete dhe do të donte të kalonte pushimet me të”, shtoi burimi.

Kim bëri kërkesë për divorc nga Kanye West në shkurt të vitit 2021, por procedura nuk është finalizuar akoma.

Ajo dhe West – i cili është në lidhje me aktoren Julia Fox, ndajnë bashkë katër fëmijë – North, Saint, Chicago dhe Psalm.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.