Ndalimi nga Twitter-i i ish-presidentit të Shteteve të Bashkuara të Amerikës, Donald Trump, ishte një gabim.
Ndalimet e përhershme duhet të jenë “tejet të rralla”, ka pohuar Elon Musk referuar disa mediave amerikane.
Më tej, ai ka njoftuar se ndalimi do të hiqet.
Shefi ekzekutiv i Tesla-s dhe SpaceX-it, i cili së fundi ka paraqitur një ofertë për të blerë platformën për 44 miliardë dollarë, ka thënë se “Twitter-i nuk duhet të vendosë ndalime të përhershme”.
Ai ka shtuar se postimet individuale “mund të fshihen dhe njerëzit mund të pezullohen vetëm përkohësisht nëse thonë diçka që është e paligjshme ose shkatërruese për botën”.
Thierry Breton, komisioneri i Tregut të Brendshëm të Bashkimit Evropian, ka treguar se i ka shpjeguar Musk-ut se si rregulloret online të BE-së synojnë të mbështesin fjalën e lirë.
Këtë, duke u siguruar po ashtu se çdo gjë e paligjshme “do të ndalohet në hapësirën digjitale”, diçka me të cilën Musk “pajtohet plotësisht”.
Trump-i u ndalua nga platforma në janar 2021, në përgjigje të sulmit të mbështetësve të tij në Capitol në një përpjekje për të bllokuar certifikimin e fitores në zgjedhje të Joe Biden-it.
Për blerjen e Twitter-it, Musk ka treguar se, në rastin më të mirë, mund të përfundojë në dy deri në tre muaj.
Marrë nga “Corriere della Sera”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE