Hamasi dhe Xhihadi Islamik pretendojnë se po mbajnë peng 130 persona prej nisjes së operacionit “Al Aqsa Flood”, me disa raporte që vlerësojnë se të paktën 200 mbahen në Rripin e Gazës.
Analisti hulumtues i fokusuar në grupet e armatosura palestineze dhe aktorët joshtetërorë në Lindjen e Mesme, Joe Truzman zbuloi se pengjet e marra nga Hamasi, ka të ngjarë të mbahen nga “Njësia Hije”
“Lidhur me pengjet e marra nga Hamasi, ata ka të ngjarë të mbahen nga Njësia Hije, një divizion special i trajnuar posaçërisht për të mbajtur pengje. Mund ta imagjinoj se ky grup është diskutuar në konferenca të klasifikuara nga Izraeli dhe agjencitë perëndimore të inteligjencës ditët e fundit”, theksoi analisti në median sociale ‘X’.
‘Njësia hije’ është një bandë elitare brigadash al-Qassam e Hamasit.
Ndër detyrat e njësisë, janë “të ruajë robërit e armikut të mbajtur nga brigadat al-Qassam, t’i fshehë ata dhe të pengojë përpjekjet e armikut për t’i gjetur”.
Anëtarët e njësisë “qëndrojnë në hije, larg dritës”, dhe ata veprojnë në fshehtësi të plotë.
Zëdhënësi i IDF-së, Daniel Hagari theksoi më herët se ushtria deri më tani ka njoftuar familjet e 81 pengjeve që mbahen nga Hamasi në Rripin e Gazës.
“Ne jemi të vetëdijshëm për pasigurinë, por ka një tension midis besueshmërisë dhe shpejtësisë dhe të kuptuarit se çfarë po ndodh në terren, duhet të jetë e saktë”, thotë ai në një telefonatë me gazetarët.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Një tjetër përpjekje për të përmbyllur sagën e sigurimeve shëndetësore
-
Meloni mbyll G7: Angazhim i fortë ndaj taksës minimale globale, pa qasje ideologjike për klimën
-
Aleanca e re e së majtës në Francë përçahet përpara zgjedhjeve të parakohshme
-
“Mbështetja e SHBA-së është e palëkundur dhe miqësia jonë është e përjetshme”, thotë Osmani pas takimit me Harrisin