Peja ka fituar derbin e luftuar përballë Prizrenit 16 me rezultat 89-82.
Në palestrën “Karagaçi” në Pejë, u zhvillua një ndeshje shumë e luftuar mes pejanëve dhe prizrenasve.
Peja e dominoi çerekun e parë me rezultat 26-17.
Por, Prizreni 16 u përgjigj në dhjetë minutëshin e dytë duke fituar me rezultat 17-32.
Pjesa e parë u mbyll me epërsinë e mysafirëve me rezultat 43-49.
Çereku i tretë pa shumë pak pikë të shënoheshin, me Pejën që e fitoi atë periodë me vetëm tre pikë avantazh, duke e ngushtuar rezultatin në po aq pikë.
Në periodën e fundit, pejanët u treguan më efikas, duke shënuar dhjetë pikë më shumë (30) se Prizreni 16 (20).
Ndeshja në fund u mbyll me rezultat 89 – 82.
Pas pesë ndeshjes, Peja ka katër fitore dhe një humbje, kurse Prizreni 16, tre fitore dhe dy humbje.
Te Peja u dalluan Dardan Berisha me 29 pikë, 5 kërcime e 4 asistime dhe Ilter Erdem me 13 pikë, 6 kërcime dhe 7 asistime.
Te Prizreni 16 u dalluan Ty Nichols me 34 pikë, 6 kërcime dhe 7 asistime, si dhe Courtney Fells me 15 pikë dhe 10 kërcime.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel
