Një numri të madh skuadrash në Premier League iu është ofruar mundësia për të nënshkruar me Paulo Dybala-n si agjent i lirë.
Kontrata e argjentinasit me Juventus-in skadon këtë vit, dhe nëse ai nuk rinovon, do të largohet me parametra zero.
Liverpool, Tottenham, Manchester United dhe City, Chelsea dhe Arsenal – të gjitha janë paraqitur me mundësinë për të diskutuar me Dybala-n pasi sulmuesi nuk arriti të gjejë marrëveshjen me Juventus-in.
Ka kohë që argjentinasi ka qenë në bisedime me Zonjën e Vjetër për rinovimin e kontratës.
Kontrata aktuale i skadon në muajin qershor, dhe ai arriti marrëveshje për rinovim për pesë vite me tetë milionë euro në vit gjatë muajit dhjetor.
Mirëpo, pasi kushtet e caktuara u ndryshuan nga Juventus-i në momentet e fundit, bisedimet dështuan dhe për momentin nuk ka asnjë shenjë për rinovim.
Plani aktual i Dybala-s është largimi nga Juventus gjatë verës.
Agjentët e tij aktualisht janë në bisedime me plot skuadra, por fokusi kryesor i argjentinasit është një aventurë në Premier League.
Përveç ‘top 6’ të Premier League, të interesuar për shërbimet e Dybala-s interesohen edhe Inter, Milan dhe PSG.
28-vjeçari duket se po kalon momentet e fundit te zonja e vjetër, me zërat mbi të ardhmen e tij që pritet të shtohen edhe më shumë gjatë ditëve në vijim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama konfirmon vizitën në Athinë më 12 maj
-
Qeveria po e trajton si armike shtresën e mesme, sipas Bashës
-
Nëse Trump fiton, do të kërkojë angazhim me 3% të PBB-së për vendet e NATO-s
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste