Pas marrëveshjes për targat Lajçak udhëton për në ShBA

I Dërguari Special i Bashkimit Evropian për dialogun Kosovë-Serbi, Mirosllav Lajçak po qëndron për një vizitë zyrtare të tij të parë në Shtetet e Bashkuara të Amerikës, që nga marrja e mandadit të tij për lehtësimin e dialogut në Bruksel.

Përmes një cicërime në Twitter, emisari sllovak i BE-së ka lajmëruar vizitën e tij.

“Sapo kam arritur në Washington DC për vizitën time të parë në SHBA në cilësinë aktuale si Përfaqësues Special i BE-së. Mezi pres të takohem me miqtë amerikanë këtu dhe në New York”, ka shkruar Lajçak në Twitter.

Just arrived in Washington D.C. for my first visit to the US in my current capacity as EU Special Representative. Looking forward to my meetings with US friends both here and in NYC. pic.twitter.com/95qpocZwp5

— Miroslav Lajčák (@MiroslavLajcak) October 3, 2021

Ndërkaq të enjten Emisari Special i BE-së për dialogun Kosovë-Serbi, Miroslav Lajçak është takuar me të dërguarin e ShBA-së për Ballkanin Perëndimor, Gabriel Escobar në Bruksel.

Lajçak e ka falenderuar diplomatin amerikan për mbështetjen që i ka dhënë dialogut mes dy shteteve.

“E falenderoj Zëvendësndihmës sekretarin amerikan për Çështje të Evropës dhe Euro-Azisë, Gabriel Escobar i cili ka kaluar ditët e fundit në Bruksel në mbështetje të dialogut të ndërmjetësuar nga BE-ja. Unifikimi BE-SHBA është çelësi për sukses në Ballkanin Perëndimor”, ka shkruar Lajcak.

I thank @StateEUR and DAS Escobar, who spent the last days in Brussels, in support of the EU-facilitated Dialogue. EU-US unity is key for success in the Western Balkans. pic.twitter.com/1qBMJCFQSC

— Miroslav Lajčák (@MiroslavLajcak) September 30, 2021

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.