Parlamenti Evropian votoi të martën e 23 nëntorit një raport për të mbështetur, brenda Bashkimit Evropian, një model sportiv të bazuar në solidaritet, përfshirje, konkurrencë dhe barazi.
Ky raport mori 597 vota pro nga eurodeputetët – 36 kundër dhe 55 abstenime.
Eurodeputetët thanë se duan që kultura sportive evropiane të përafrohet me vlerat e BE-së për solidaritet, qëndrueshmëri, gjithëpërfshirje, konkurrencë të hapur, merita sportive dhe drejtësi.
Parlamenti ka kundërshtuar me vendosmëri “garat separatiste” të cilat minojnë këto parime dhe rrezikojnë stabilitetin e ekosistemit të përgjithshëm sportiv.
Deputetët – thuhet në një shënim – duan të gjejnë një ekuilibër midis interesave tregtare të sportit profesional dhe funksioneve të tij sociale, duke forcuar lidhjet midis sportit bazë dhe sportit elitar.
Prandaj u kërkua një rishpërndarje më e madhe financiare midis sportit profesional dhe atij bazë.
Më tej, u propozua krijimi i një mekanizmi solidariteti nga federatat sportive për të siguruar financimin e duhur për sportin amator dhe atë bazë.
Eurodeputetët kërkuan gjithashtu që të trajtohen çështjet e pabarazisë gjinore dhe ngacmimit në sport, veçanërisht kur bëhet fjalë për pagat dhe përfaqësimin e barabartë në bordet e organizatave sportive.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”