Presidentja e Kosovës, Vjosa Osmani, ka njoftuar se nuk e ka dekretuar për Kryeprokuror të ri të Shtetit, Blerim Isufajn, meqë sipas saj, procesi është cilësuar “si i parregullt dhe diskriminues” nga të gjithë vëzhguesit, si nga organizatat vendore dhe ato ndërkombëtare të cilat kanë evidentuar “10 shkelje në procedurën e përzgjedhjes së Kryeprokurorit”.
“Sot e kam njoftuar Këshillin Prokurorial të Kosovës lidhur me vlerësimin e procedurës i cili duke pasur parasysh të gjitha shkeljet, më obligon që mos ta bëjë dekretimin e kandidatit të propozuar për Kryeprokuror, sipas propozimit të KPK-së të datës 8 prill, 2022”, tha Osmani gjatë një konference për media.
Osmania ka shtuar se shumica e shkeljeve janë bërë publike nga organizatat monitoruese të shoqërisë civile në vend dhe nga raporti i Bashkimit Evropian për Kosovën për vitin 2022.
“Disa nga shkeljet e evidentuar nga procesi i përzgjedhjes së kryeprokurorit janë: Shmangia nga zbatimi i kritereve ligjore për pozitën e kryeprokuror të shtetit; mohimi i mundësisë për mjet ankimor brenda KPK-së, për kandidatët e pakënaqur, përmes refuzimit arbitrar të raportit të komisionit për shqyrtim të kundërshtimeve; shkelje në procedurat e vlerësimit të reputacionit profesional të kandidatëve; shkelje në procedurat të integritetit të kandidatëve”, potencoi Osmani.
Po ashtu presidentja ka theksuar se ka ftuar Këshillin Prokurorial të ndjek procedurat kushtetuese e ligjore në përzgjedhjen e Kryeprokurorit të Shtetit.
“Do të parandalojë çdo veprim që do të mund të lëkund shtyllat e shtetit tonë, duke i shkelur parimet kushtetuese. Nuk do të lejojë të rrezikohen parimet kushtetuese për interes të askujt”, tha Osmani.
Në anën tjetër, Bashkimi Evropian dhe Organizatat joqeveritare – Instituti i Kosovës për Drejtësi, Grupi për Studime Juridike dhe Politike dhe Lëvizja Fol kishin vërejtje sa i përket procesit të zgjedhjes së Isufajt.
Madje, IKD, GLPS dhe Lëvizja FOL, i patën bërë thirrje presidentes që gjatë vlerësimit të saj për emërim, t’i ketë parasysh mangësitë e theksuara në këtë proces.
Ndryshe ditë më parë, KPK-ja njoftoi se do t’i kërkojë Osmanit me letër urgjente dekretimin e Isufajt për Kryeprokuror.
Më 6 prill të vitit të kaluar, Këshilli Prokurorial i Kosovës kishte votuar unanimisht Blerim Isufajn për Kryeprokuror të ri të Shtetit.
Isufaj aktualisht është Kryeprokuror i Prokurorisë Speciale.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rreth 400 mijë euro u investuan për rregullimin e stadiumit të Vitisë – por ende është jashtë funksionit
-
UNMIK-u po e ndjek nga afër situatën pas refuzimit të vizitës së Porfirije në Kosovë
-
Ndalohet kontrabandimi i medikamenteve në Han të Elezit
-
Pothuajse 450 mijë njerëz janë larguar nga Rafah brenda një jave, thotë OKB
Lajmet kryesore
-
Qeveria plan me 4 pika për rritjen e kreditimit të ekonomisë, në fokus bujqësia
-
Reforma e inspektimeve, Rama: Krijojmë një forcë të re autonome të shkëputur nga ministritë
-
Pothuajse 450 mijë njerëz janë larguar nga Rafah brenda një jave, thotë OKB
-
Dikur ftonte të votohej Joe Biden, tash Kurtit i ndryshojnë preferencat politike në Amerikë