Kryeministri i Holandës, Mark Rutte, dhe ai i Luksemburgut, Xavier Bettel, këtë të martë kanë nisur takimin me presidenten e Kosovës, Vjosa Osmani në Presidencë.
Pas takimit me Osmanin, kryeministrat e vendeve të Beneluksit do të takohen edhe me kryeministrin Albin Kurti.
Rutte dhe Bettel të hënën vizituan edhe Beogradin.
Kryeministri i Holandës dhe ai i Luksenburgut, Xavier Bettel, në një konferencë të përbashkët me presidentin e Serbisë, Aleksandër Vuçiç, folën për domosdoshmërinë e uljes së tensioneve në pjesën veriore të Kosovës të banuar me shumicë serbe.
Rute fillimisht deklaroi se është e rëndësishme që Kosova dhe Serbia të ndërmarrin hapa të menjëhershëm drejt de-përshkallëzimit të situatës në terren dhe t’i kthehen dialogut për normalizimin e marrëdhënieve nën patronazhin e Bashkimit Evropian.
“Me luftën e ndezur mes Rusisë dhe Ukrainës, është më e rëndësishme se kurrë që të veprojmë së bashku. Marrëdhëniet e qëndrueshme ndërmjet Serbisë dhe Kosovës janë thelbësore për perspektivat e progresit të mëtejshëm drejt integrimeve evropiane”, tha ai.
E kryeministri i Luksenburgut, Xavier Bettel, shtoi se depërshkallëzimi i situatës në veriun e Kosovës të banuar me serbë etnikë, përveç se është interes direkt i Kosovës dhe Serbisë, ai është edhe interes i rajonit, por veçanërisht i Bashkimit Evropian.
“Ne mbështesim fuqishëm bisedimet ndërmjet Kosovës dhe Serbisë dhe veprimet konkrete. Ne po shohim se ka ende potencial shpërthyes, ka shumë tension. Dëshira ime më e madhe është të shoh ulje të tensioneve dhe përparim në ditët apo javët në vijim”, tha Bettel.
Të martën në Kosovë do të zbarkojë edhe i deleguari special i Bashkimit Evropian për dialogun, Miroslav Lajçak.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
ASK-ja: Komuniteti serb në jug po regjistrohet – për hezitimin e qytetarëve në Veri kemi zhvilluar takim me institucione ndërkombëtare
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku
-
Gërvalla: Ideja e shkëmbimit të territoreve çon në luftë
-
Dëshmitari i 58-të nis dëshminë në seancë të mbyllur në Speciale
Lajmet kryesore
-
Tritoli në banesën e gjyqtarit, Unioni i Gjyqtarëve: Akt kriminal, kërcënim ndaj të gjithë magjistratëve
-
Karabina: PD është e vendosur në mbështetjen e pakushtëzuar ndaj SPAK-ut, nëpërmjet amendamenteve të saj
-
Duke treguar përgjegjësi të guximshme për Evropën tonë
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku