Gjykata e Tiranës, të hënën e 6 shtatorit ka vendosur masën për pesë të arrestuarit e operacionit “COMPLEX”, që u jepnin ndihmë emigrantëve të paligjshëm për kalim drejt vendeve të Bashkimit Evropian (BE).
Masën “arrest me burg” Gjykata vendosi vetëm për shtetasin R. V., 26 vjeç. Ndërsa ka lënë “arrest shtëpie” shtetasit e tjerë. Përkatësisht shtetasit S. G., 26 vjeç, A. M., 24 vjeçe, D. Sh., 55 vjeçe dhe S. Sh., 64 vjeçe.
Policia e Tiranës, të shtunën e 4 shtatorit goditi këtë rrjet kriminal me lidhje familjare.
Këta shtetas bashkëpunonin me njëri-tjetrin për të mundësuar me mjetet private transportimin e emigrantëve të paligjshëm nga kufiri shqiptaro-grek në zonën e Devollit drejt Tiranës.
Emigrantët e paligjshëm strehoheshin nga shtetaset D. Sh dhe S. Sh (motra me njëra-tjetrën) në hotelet e tyre në zonën e Laprakës.
Më pas bënim organizimin e tyre me shtetasin R. V. (djali i shtetases D. Sh) për nisjen e tyre – kundrejt pagesës – në drejtim të Kukësit.
Ata mundësonin kalimin e tyre në Kosovë, me destinacion final vendet e BE-së.
Përveç kësaj, ata organizonin edhe një linjë tjetër trafikimi të shtetasve të huaj që hynin me dokumentacion të rregullt në vendin tonë.
Këta të fundit mund të vinin dhe për qëllime turistike apo punë me leje qëndrimi – të cilët hynin në mënyrë të rregullt nga aeroporti i Rinasit – grupi kriminal shqiptar organizonte punën për trafikimin e këtyre.
Sipas njoftimit të policisë u bë me dije se këta shtetas shqiptarë dyshohet se gjatë veprimtarisë së tyre disa vjeçare kanë trafikuar një numër të konsiderueshëm të emigrantëve të paligjshëm dhe personave që hynin në vendin tonë me dokumentacion të rregullt.
Policia gjatë arrestimit sekuestroi 72 pasaporta, 37 leje qëndrimi, dy mjete identifikimi, dy automjete, një shumë parash dhe sende të tjera të kundërligjshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ripërtëritja e legjitimitetit të dobësuar e largimi i fokusit nga dështimi, faktorë që detyruan Kurtin të mendojë për zgjedhje
-
Ballkani Perëndimor duhet ‘të përqafojë’ energjinë e rinovueshme për ngrohjen qendrore
-
Aktet e solidaritetit të palestinezëve do të demonizohen, por kurrë nuk kanë qenë kaq të forta
-
Takimi i shtatë për dinarin – “rasti i fundit” për një zgjidhje kompromisi
