Sekretari i Përgjithshëm i OKB-së Antonio Guterres deklaroi se udhëheqja e Ukrainës dhe Rusisë kanë rënë dakord të organizojnë evakuimin e civilëve nga Mariupol-i.
Kjo, përmes organizatave ndërkombëtare, duke përfshirë Kombet e Bashkuara dhe Komitetin Ndërkombëtar të Kryqit të Kuq.
Lajmin e bëri të ditur zyra e shtypit të presidentit ukrainas Volodymyr Zelensky.
“Gjatë vizitës sime në Moskë, presidenti Putin në përgjithësi ra dakord të përfshijë Kombet e Bashkuara dhe Komitetin Ndërkombëtar të Kryqit të Kuq në evakuimin e civilëve nga Azovstal. Sot, zoti Zelensky dhe unë patëm mundësinë të diskutonim këtë çështje, po zhvillohen diskutime intensive për ta bërë këtë propozim realitet”, theksoi shefi i OKB-së.
Në të njëjtën kohë, Zelensky theksoi se pavarësisht gatishmërisë së pretenduar të Putin-it për të lehtësuar rrugën e evakuimit të civilëve nga Mariupol, forcat ruse vazhduan të bombardojnë uzinën Azovstal, ku fshihen banorët paqësorë të Mariupol-it.
Presidenti ukrainas shtoi se bombardimet e forcave ruse vazhduan edhe kur sekretari Guterres zhvilloi bisedime me Putin-in në Moskë më 26 prill.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Krejtësisht të papërshtatshme”: Aleati i Trump sulmon kancelarin gjerman pasi lavdëroi Biden
-
Osmani për herë të tretë takohet me presidentin e Kenias, diskutojnë për avancimin e raporteve
-
Protestuesit bllokojnë rrugët në Izrael, kërkojnë zgjedhje të reja
-
Sveçla insiston se ndërkombëtarët “s’po e kritikojnë” për aksionet policore në veri