Udhëtimi i kryetares së Dhomës së Përfaqësuesve në SHBA, Nancy Pelosi drejt Azisë do të përfshijë ndalesa në Japoni, Indonezi dhe Singapor.
Vizita e mundshme e Pelosi-t drejt Tajvan-it, e cila ka përkeqësuar tensionet SHBA-Kinë, mbetet jashtë itinerarit zyrtar.
Lajmi u bë i ditur nga kompania amerikane “Bloomberg”, duke cituar një person të njohur me këtë çështje.
Malajzia është një tjetër ndalesë e mundshme, sipas burimit, i cili kërkoi anonimitetin për të diskutuar planet e mbajtura nga afër.
Pelosi ka refuzuar të diskutojë itinerarin e saj të udhëtimit në fillim të muajit gusht.
Kjo, duke përmendur shqetësimet e sigurisë, dhe nuk ka pasur asnjë njoftim zyrtar se ajo planifikon një udhëtim jashtë shtetit.
Paralajmërimi i Kinës
Kina ka paralajmëruar për “pasoja të rënda” nëse Pelosi do të vazhdonte me vizitën e saj.
Në radhën e presidencës, ajo do të ishte politikania më e lartë amerikane që do të udhëtonte në ishull që nga viti 1997.
Pekini zyrtar nuk e ka përjashtuar përdorimin e mundshëm të forcës për ta bërë Tajvan-in pjesë të saj pasi e sheh si një provincë të shkëputur.
Javën e kaluar, presidenti amerikan Joe Biden u tha gazetarëve se “ushtria mendon se kjo (vizita) nuk është një ide e mirë”.
Por, Shtëpia e Bardhë e ka quajtur retorikën kineze kundër çdo udhëtimi të tillë “qartësisht të padobishme dhe jo të nevojshme”.
Departamenti i Shtetit thotë se Pelosi nuk ka njoftuar ndonjë udhëtim dhe qasja e SHBA-ve ndaj Tajvan-it mbetet e pandryshuar.
Ndërsa SHBA-të ruajnë atë që quhet “marrëdhënie e fortë, jozyrtare” me Tajvanin, ajo ka lidhje zyrtare diplomatike me Kinën dhe jo me Tajvanin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin