Një portal që lidh dy shtete

Duket si diçka e dalë nga një film fantastiko-shkencor.

Një portal që lidh dy shtete, atë të Polonisë dhe Lituanisë.

Portali i konceptuar si një rreth, përfaqëson hapësirën dhe kohën dhe simbolizon udhëtimin në kohë.

Kjo urë virtuale midis kryeqytetit të Lituanisë, Vilnius-it dhe një prej qyteteve më të vjetra polake, Lublin-it, është e para në llojin e saj.

Në Vilnius, portali mund të gjendet pranë stacionit të trenit Vilnius. Ndërkohë, në Lublin, ajo ‘frymon’ në Plac Litewski.

Këto dy qytete kanë një lidhje historike, pasi Bashkimi i Lublinit u nënshkrua më 1 korrik 1569 midis Polonisë dhe Lituanisë pikërisht në atë qytet.

Ai bashkim krijoi një shtet të vetëm, Komonuelthin polako–lituanez, një nga vendet më të mëdha në Evropë në atë kohë.

Të dy portalet kanë ekrane dhe kamera për të transmetuar drejtpërdrejt qytetin tjetër. Pamja që shihni në ekran është bërë të ngjajë me atë që shohin astronautët kur shikojnë botën më poshtë.

Quhet efekti i pasqyrës dhe astronautët e përjetojnë atë kur shohin Tokën në hapësirë, kaq pak, aq të brishtë në këtë botë të madhe.

Është një skulpturë e zhvilluar nga Fondacioni Benediktas Gylys, një grup i inovacionit shoqëror dhe Universiteti Teknik i Gediminas.

Projekti u frymëzua nga udhëtimet e vetë Gylys-it në botë.

Ai thotë se përballë ndryshimit të klimës dhe padrejtësive shoqërore në të gjithë botën, njerëzit bien përsëri në një mentalitet.

Por ndërsa përjetonte kaq shumë kultura në të gjithë botën, atij iu kujtua që njerëzimi është me të vërtetë i gjithi “një specie”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.