Gjykata Themelore në Mitrovicë ka caktuar masën e paraburgimit në kohëzgjatje prej 30 ditësh ndaj të dyshuarit E.A i cili është arrestuar pasi i është konfiskuar afro 60 kilogramë drogë në Skenderaj.
Lajmi është konfirmuar për “Betimi për Drejtësi” nga nënkryetari i Gjykatës Themelore në Mitrovicë, Bekim Veliqi.
“Po, ndaj të njëjtit Gjykata Themelore në Mitrovicë ka caktuar masën e paraburgimit në afat prej 30 ditësh”, tha Veliqi.
Caktimi i masës së paraburgimit ndaj E.A është bërë pas kërkesës së Prokurorisë.
“Departamenti i Krimeve të Rënda, ka paraqitur në Gjykatën Themelore në Mitrovicë, kërkesë për caktimin e paraburgimit kundër të dyshuarit E.A., për shkak të dyshimit të bazuar se ka kryer veprën penale “Blerja, posedimi, shpërndarja dhe shitja e paautorizuar narkotikeve substancave psikotrope”, thuhej në njoftimin e Prokurorisë.
Dy ditë më parë, policia pati njoftuar se pas hetimeve paraprake dhe veprimeve të ndryshme policore, gjatë kontrollit, organet e rendit kanë gjetur dhe konfiskuar 59 kilogramë substancë narkotike e llojit marihuanë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Thaçi: Kam informacione se Kurti do ta mbështesë Pendarovskin në raundin e dytë të zgjedhjeve presidenciale
-
Muja i bindur: Qeveria s’e dërgon Asociacionin në Kushtetuese për shqyrtim
-
Në Kosovë kërkohet hartimi i një Ligji për parandalimin e vetëvrasjes
-
Osmani: Mickoski na ktheu në Jugosllavi, zgjedh përfaqësuesit e shqiptarëve pa vullnetin e tyre – si Serbia, Rrahman Morinën
Lajmet kryesore
-
Dokumentari i Rai 3: Ironi dhe akuza në Kuvendin e Shqipërisë
-
Basha drejtuar deputetëve: Të mbështesim amendamentet pro SPAK-ut dhe kundër korrupsionit
-
Rafahu nuk është Stalingradi i Gazës – është një tjetër manipulim nga Netanyahu
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE
