Ish-ambasadorja e SHBA-ve në Kombet e Bashkuara Nikki Haley nisi të martën fushatën e saj për nominimin presidencial republikan në vitin 2024, një sfidë e vështirë pasi ish-shefi i saj Donald Trump mban një epërsi të fortë në një sondazh të ri të Reuters/Ipsos.
“Unë jam Nikki Haley dhe po kandidoj për presidente”, tha Haley në një video që ekipi i saj dërgoi me email teksa ajo iu bashkua Trumpit si kandidatët e vetëm të shpallur për vitin 2024.
Lajmi u bë i ditur nga agjencia “Reuters”.
Haley, një ish-guvernator i Karolinës së Jugut që shërbeu si ambasadore e OKB-së nën Trump nga 2017 deri në 2018, do të parashtrojë planet e saj të fushatës në një fjalim të mërkurën në Charleston, Karolina e Jugut.
Vajza e dy emigrantëve indianë që drejtonin një dyqan të suksesshëm veshjesh në një pjesë rurale të Karolinës së Jugut, Haley, 51 vjeç, ka fituar një reputacion në Partinë Republikane si një konservatore solide që ka aftësinë për të trajtuar çështjet e gjinisë dhe racës në një fushë më të gjerë se shumë nga bashkëmoshatarët e saj.
Nisja e kandidaturës së saj më shumë se 20 muaj përpara zgjedhjeve të nëntorit 2024 i jep Haley-t më shumë mundësi për të tërhequr vëmendjen dhe për të mbledhur fonde përpara se fusha republikane të rritet në javët dhe muajt e ardhshëm.
Por gjithashtu e bën atë një objektiv të hershëm të Trump-it luftarak.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Këlliçi çon Veliajn në SPAK, për lidhje me Ndrangheta-n
-
Putini betohet për mandatin e pestë, në ceremoninë e bojkotuar nga SHBA-të dhe Britania e Madhe
-
Kosova aktualisht s’është në agjendën e takimit të Komitetit të Ministrave të KiE-së
