Një nga talentët më premtues të Barcelonës, Nico Gonzalez, tani është pjesë e skuadrës së parë.
Nico është regjistruar gjatë ditës së sotme edhe zyrtarisht si lojtar i skuadrës bazë së Barcelonës.
Edhe pse deri tani ka luajtur në shumicën e ndeshjeve të skuadrës, Nico vinte si i ftuar nga skuadra ‘B’ dhe në shpinë kishte numrin 28.
Tani, pas largimit të Coutinho-s, Barcelona ka vendosur që vendin e tij në skuadër do ta zë Nico.
Nico, i cili së bashku me Gavi-n kërkon të përsërisë tandemin Iniesta – Xavi, në fanellë do të ketë numrin 14-të.
Ky numër është pikërisht edhe ai që kishte veshur Coutinho, që u largua në drejtim të skuadrës së Premier League, Aston Villa.
Nico është një ndër talentët më premtues të katalunasve, dhe tashmë trajneri Xavi e konsideron edhe si të pashitshëm.
Së shpejti pritet që klauzola e Nico-s me skuadrën blaugrane të rinovohet, të paktën deri në vitin 2027.
Në krizë financiare, Barcelona po tenton që të ardhmen ta ndërtojë me yjet vendas.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
A mundet Xi Jingping ‘ta fitojë’ Evropën?
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës
