Nesër nis rehabilitimi i autostradës Tiranë-Durrës, 25 ditë pune në të dyja senset e lëvizjes
Autoriteti rrugor shqiptar ka njoftuar se më datë 19 tetor në orët e para të mëngjesit do të fillojë rehabilitimi i shtresave asfaltike të aksit rrugor Tiranë–Durrës.
“Në kuadër të zbatimit të kontratës së mirëmbajtjes, nesër, më datë 19 tetor 2022 në orët e para të mëngjesit do të fillojë rehabilitimi i shtresave asfaltike të aksit rrugor Tiranë–Durrës”, ka njoftuar ARRSH.
Sipas grafikut të hartuar, ky proces pune do të zgjasë 25 ditë për të dyja senset e lëvizjes.
“Procesi i punës do të fillojë nga Ura e Dajlanit në drejtim të Tiranës deri në mbikalimin e Kasharit”, thuhet në njoftim.
ARRSH ka bërë me dije po ashtu se do të punohet me njërën korsi, përkohësisht të bllokuar, për një gjatësi prej 500 metra.
Kurse pas përfundimit të këtij segmenti punimet do të zhvendosen me 500 metra të tjera deri në përfundimin e punimeve.
“Me qëllim shmangien e aksidenteve, udhëzojmë drejtuesit e mjeteve të zbatojnë sinjalistikën rrugore të vendosur në objekt”, ka theksuar autoriteti.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Humza Yousaf do të japë dorëheqjen si ministër i parë i Skocisë që sot, sipas BBC
-
Karabina: PD është e vendosur në mbështetjen e pakushtëzuar ndaj SPAK-ut, nëpërmjet amendamenteve të saj
-
Rrëfimi rrëqethës i Ermal Metës për sulmet e panikut: Për një kohë të gjatë u vetësabotova, përfundova në telashe me sjellje të paqarta, terapia ishte themelore
-
Çfarë parashikon projektligji me kushtet e reja për abortin dhe lindjet invitro?