Tashmë është pothuajse e sigurt që Mauricio Pochettino nuk do të jetë trajner i PSG në sezonin 2022/’23.
Dhe, te Paris Saint-Germain janë të sigurt që zëvendësues i tij do të jetë Zinedine Zidane.
Momentalisht, Zidane është i papunë, pasi u largua nga Real Madrid-i në fund të sezonit që lam pas.
Historia nuk i njeh as si miq Zidane dhe PSG, por në fund të sezonit mund t’i shohim si një çift.
Siç raporton Marca, oferta e PSG-së tashmë është në tavolinë dhe në dhomat e zhveshjes ulja e Zidane në stolin e tyre për sezonin e ardhshëm është pothuajse e sigurt.
Liderët e Ligue 1 po përgatisin një rikonstruksion të thellë në aspektin sportiv – dhe emri i parë në listë është Zinedine Zidane.
Ata po përgatiten për atë që tashmë duket e sigurt, largimi i Kylian Mbappe te Real Madrid.
Edhe pse shpesh herë është parë idollizimi që Mbappe ka ndaj Zidane, kjo nuk pritet të luaj ndonjë rol në vendimin e Mbappe-s për largimin nga klubi.
Me Messi dhe Neymar, në Paris besojnë se do të kenë edhe dy vite tjera në top formën e këtyre dy yjeve.
Për krahë tyre, ata do të tentojnë të ngjesin talentë të rinjë për të komponuar një ekip fitues të Champions League.
Dhe, për Champions League – nuk ka njeri si Zidane, thuhet në Paris.
Njeriu që fitoi tri herë me radhë Champions League-n me Madrid-in, me shumë mundësi do të jetë ai që do të tentojë të sjellë lavdinë Evropiane edhe në kryeqytetin e dashurisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ilir Meta është presidenti i Partisë së Lirisë
-
Ndërtimi i TEC-it në Roskovec, Balla: Investim strategjik, zero risk për mjedisin
-
Asunta, historia e vërtetë e vajzës 12-vjeçare të vrarë nga prindërit e saj: Burri i maskuar, qetësuesit, pornografia aziatike dhe varri pa emër
-
Arrestohet një serb në Bërnjak, dyshohet për krime lufte