Data e mbajtjes së zgjedhjeve të jashtëzakonshme në Kosovë do të jetë 14 shkurti.
Presidentja në detyrë, Vjosa Osmani, ka dekretuar këtë datë për zhvillimin e tyre.
Kosova shkon kështu për herë të tretë brenda katër viteve në zgjedhje parlamentare.
Vendimi për të çuar vendin në zgjedhje të parakohshme është marrë nga Gjykata Kushtetuese e Kosovës. Kjo e fundit, cilësoi si të pavlefshme votën e ish-deputetit Etem Arifi pro Qeverisë Hoti. Vota e Arifit ishte vendimtare në formimin e qeverisë.
Tensionet në Kosovë filluan që me formimin e Qeverisë Kurti, pas fitores së Lëvizjes Vetëvendosje në zgjedhjet e 2019-ës. Kurti qëndroi vetëm 50 ditë si kryeministër i vendit.
Më pas, Lëvizja Demokratike e Kosovës, partia e dytë më e madhe, formoi një koalicion qeverisës me Aleancën për Ardhmërinë e Kosovës, NISMA, Aleancën Kosova e Re dhe pakicat kombëtare. Kryeministër u caktua Avduall Hoti.
Kjo lëvizje e LDK-së, solli një rebelim të kryetares së Kuvendit, Vjosa Osmani, ndaj kryesisë së partisë. Pas shumë replikash në distancë, Osmani së fundmi bashkoi forcat me Vetëvendosjen e Kurtit.
Një zhvillim që tronditi skenën politike në Kosovë ishte dhe konfirmimi i aktakuzave të Gjykatës Speciale ndaj katër figurave të larta të Ushtrisë Çlirimtare të Kosovës.
Ish-presidenti i Kosovës, Hashim Thaçi, ishte emri më i lakuar për shkak të postit të tij. Vakancën e lënë nga ai, e zuri Vjosa Osmani, në cilësinë e kryetares së Kuvendit.
Skena politike në Kosovë ka ofruar një sërë zhvillimesh me rëndësi gjatë vitit të fundit. Priten tashmë zgjedhjet e reja të 14 shkurtit.
Ajo që spikat më së shumti, është se nuk do të kemi një sërë figurash kryesore të 15 viteve të fundit në sferën politike të Kosovës./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Knaus ndan një pjesë të fjalimit të Kurtit në Berlin: Ai deklaroi se s’mund t’ua imponojë serbëve draft-statutin e QUINT-it
-
Abdixhiku kërkon vota për politikanin gjerman në prag të zgjedhjeve evropiane
-
Një muaj paraburgim për boshnjakun e dyshuar për krime lufte në Kosovë
-
‘Hungaria mund t’i zvarrisë integrimet evropiane të Kosovës’
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Knaus ndan një pjesë të fjalimit të Kurtit në Berlin: Ai deklaroi se s’mund t’ua imponojë serbëve draft-statutin e QUINT-it