SHBA-ja është zotuar të ulë emetimet e karbonit me 50-52% nën nivelet e vitit 2005 deri në fund të kësaj dekade.
Ky objektiv i ri, i cili do të zbulohet në një samit virtual me 40 liderë globalë, në thelb dyfishon premtimin e tyre të mëparshëm.
Amerikanët shpresojnë që plani i tyre ambicioz i ri do të inkurajojë Kinën, Indinë dhe të tjerët të shkojnë më tej përpara takimit vendimtar të COP26, në Glasgow në nëntor.
Por do të ketë një farë skepticizmi në lidhje me aftësinë e SHBA-së për të përmbushur objektivin e saj të ri, duke pasur parasysh natyrën e ndarë të politikës amerikane.
Mbretëria e Bashkuar është ndër vendet që dëshiron të tregojë ambicien e saj përpara takimit.
Më parë gjatë javës, kryeministri Boris Johnson, njoftoi një objektiv “udhëheqës botëror” për Mbretërinë e Bashkuar për të ulur emetimet me 78% në nivelet e vitit 1990 deri në vitin 2035.
Mbretëria e Bashkuar po luan një rol kritik këtë vit pasi ka marrë presidencen e COP26 dhe ka për detyrë të arrijë marrëveshje në Glasgow kur udhëheqësit botërorë të takohen atje në nëntor.
Ambicia e Biden sfidohet
Klima ka qenë fokusi kryesor i muajve të parë të administratës së Biden në detyrë.
Si dhe ribashkimi i paktit të klimës në Paris dhe organizimi i samitit ditën e enjte, 22 prill.
Presidenti Biden është i përgatitur të shkojë përtej nivelit të parashikuar, do të jetë një surprizë e mirëpritur për shumë shkencëtarë dhe aktivistë.
Premtimi i ri do të thotë ndryshime të mëdha në mënyrën amerikane të jetës.
Qymyri do të duhet të zhduket nga përzierja e energjisë elektrike, ndërsa makinat dhe kamionët që djegin gaz duhet të shkojnë drejt furnizimit me rrymë.
Por shpallja e një synimi ambicioz është një gjë – kthimi i tij në realitet është tjetër gjë.
Ndërsa Demokratët kanë një shumicë në Dhomën e Përfaqësuesve, Senati në thelb është i bllokuar, duke e bërë miratimin e legjislacionit të ri për klimën mjaft të ndërlikuar.
SHBA dhe Kina dëshirojnë të bashkëpunojnë
Ndër 40 udhëheqësit që do të marrin pjesë në samit do të jetë dhe presidenti i Kinës Xi Jinping.
Pavarësisht tensioneve serioze midis SHBA-së dhe Kinës për një mori çështjesh, të dy palët duket se dëshirojnë të bashkëpunojnë dhe ta mbajnë ndryshimin e klimës të ndarë nga këto mosmarrëveshje.
Duke folur përpara takimit, një zyrtar i lartë i administratës foli ngrohtësisht për qasjen bashkëpunuese.
“Është mjaft e qartë që ekziston një nivel i qartë ambicie. Të dy vendet e shohin këtë si një krizë. Të dy vendet e shohin nevojën për veprim në vitet 2020. Të dy vendet e shohin nevojën për të punuar drejt mbajtjes së rritjes së temperaturave globale në 1.5 gradë”, tha zyrtari.
Por për vendet e tjera të cilët kanë qenë të ngadaltë për të përqafuar veprimet mbi ndryshimin e klimës, ekipi i Biden ishte i papërmbajtur.
Shtëpia e Bardhë nën adminastratën e ish-presidentit Donald Trump, qasjen skeptike e Brazilit dhe Australisë ndaj kësaj çështje e kishte favorizuar. Ndërsa tani nuk është më kështu.
“Për momentin, unë mendoj se kolegët tanë në Australi e pranojnë se do të duhet të ketë një ndryshim”, deklaroi zyrtari.
Duke folur për Brazilin, i njëjti zyrtar tha: “Pritja për të gjitha vendet është që ambicia duhet të rritet menjëherë”.
Ndërsa kryeministri Johnson pritet që të tregojë në takimin virtual të Shtëpisë së Bardhë:
“Mbretëria e Bashkuar ka treguar se është e mundur të zvogëlohen emetimet ndërsa rritet ekonomia, gjë që e bën pyetjen e arritjes së zeros neto jo aq teknike sa politike”.
Duke shtuar se “nëse në të vërtetë duam të ndalojmë ndryshimin e klimës, atëherë ky duhet të jetë viti në të cilin ne bëhemi seriozë për ta bërë këtë”.
Përveç zotimit të SHBA-së, pritet të ketë edhe hapa të rinj të njoftuar nga një numër vendesh.
Për ata që ishin të përfshirë në negociatat që çuan në marrëveshjen e Parisit të vitit 2015, gjëja kryesore këtë javë është të mos prishin diskutimet në pengesën e parë.
Ky është takimi i parë i madh për klimën e një viti kritik që do të kulmojë në një mbledhje të rreth 200 udhëheqësve botërorë në Glasgow në nëntor në COP26.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vladimir Putin shkuli zemrën e një dreri për t’ia dhënë Silvio Berlusconit
-
Basha i reagon Gutierrezit: Me “boll më” mund t’u drejtohesh veç fëmijëve – unë jam deputet i pavarur në mendime
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
-
Pjesëmarrje masive në tubimin qendror të Frontit Evropian në Tetovë
Lajmet kryesore
-
Pjesëmarrje masive në tubimin qendror të Frontit Evropian në Tetovë
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit