Ministria e Brendshme në Itali ka vendosur që Napoli nuk do të lejohet të shesë asnjë biletë për tifozët e Eintracht Frankfurt për ndeshjen e kthimit të Ligës së Kampionëve.
Vendimi vjen pas grindjeve të dhunshme mes mbështetësve pas ndeshjes së parë në “Deutsche Bank Park” të Frankfurtit.
Sipas gazetës gjermane “Bild”, nëntë mbështetës të ekipit gjerman u arrestuan në Gjermani pas sulmeve fizike ndaj një numri mbështetësish të Napolit në një bar në “Schweizer Strasse” në qendër të qytetit përpara ndeshjes së parë që u zhvillua dy javë më parë.
Tre tifozë të Napolit raportohet se kanë pësuar lëndime të lehta si pasojë e sulmeve.
Arriva il no del Ministero, niente tifosi dell'Eintracht a Napoli https://t.co/OHNScFiu7f
— La Gazzetta dello Sport (@Gazzetta_it) March 7, 2023
Në një deklaratë nga faqja e internetit e klubit të Frankfurtit thuhej:
“Eintracht u informua dje në mbrëmje nga UEFA se Ministria e Brendshme italiane do të lëshojë një urdhër këtë mëngjes për Napolin duke e ndaluar klubin t’u shesë bileta tifozëve të Eintracht për ndeshjen e së mërkurës më 15 mars”.
“Kjo përfshin kontigjentin zyrtar të udhëtimit prej gjithsej 2 mijë e 700 biletash, nga të cilat 2 mijë e 400 ishin në sektorin e udhëtimeve. Sapo të bëhet e disponueshme përmbajtja konkrete e urdhrit, Eintracht do të komentojë më në detaje zhvillimet”.
Pati gjithashtu shqetësime nga autoritetet lokale pas përleshjeve të dhunshme midis mbështetësve të Napolit dhe Ajax-it kur skuadra holandeze vizitoi “Stadio Diego Armando Maradona” në tetor në ndeshjen e fazës së grupeve.
Napoli ende nuk ka dhënë një deklaratë zyrtare për këtë çështje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
