Napoli është afër marrëveshjes me Borussia Moenchengladbach për transferimin e qendërmbrojtësit japonez, Ko Itakura, sipas raportimeve nga “Sky Sport Gjermania”.
“Sky Sport”, i cili ka transmetuar përditësimin të dielën pasdite, sugjeron që dy klubet e vlerësojnë Itakura-n paksa ndryshe, por tani është një diferencë e vogël mes kërkesës dhe ofertës.
Sipas burimit të lartcekur, Gladbach beson se 26-vjeçari vlen rreth 15 milionë euro, ndërsa Napoli shpreson të arrijë një marrëveshje për një tarifë afër 12 milionë euro.
Nënshkrimi i Itakura-s do shihet si një zëvendësim për qendërmbrojtësin jug-korean, Kim Min-jae, i cili iu bashkua Bayern Munich-ut për një trasnferim prej 50 milionë euro.
Napoli hofft auf eine Ablösesumme von circa 12 Millionen Euro. Die Borussia will mindestens 15 Millionen Euro für den Defensivspezialisten. Itakura gilt als Ersatz für Abwehrchef Jae-Min Kim, der wohl zu Bayern München wechseln wird.#skysport #skytransfer pic.twitter.com/ordCZS3k5l
— Sky Sport (@SkySportDE) July 9, 2023
Pra, me shumë gjasë, japonezi do të jetë partneri i Amir Rrahmanit në qendrën e mbrojtjes te kampionët e Italisë.
Pas suksesit që Kim përjetoi në Napoli, drejtuesit e klubit kanë qenë të interesuar të sjellin më shumë lojtarë aziatikë në “Stadio Maradona”, me emra të tillë si Takefusa Kubo dhe Daichi Kamada që janë sugjeruar gjithashtu javët e fundit.
Itakura ka grumbulluar mjaft përvojë në Bundesliga gjatë dy sezoneve të fundit, si dhe me kombëtaren e Japonisë, për të cilën ka luajtur 20 herë.
Nënshkrimi i tij do të ishte gjithashtu shumë më i lirë se disa nga emrat e tjerë të sugjeruar si Max Kilman i Wolves dhe Robin Le Normand i Real Sociedad.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Dokumentari i Rai 3: Ironi dhe akuza në Kuvendin e Shqipërisë
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Rafahu nuk është Stalingradi i Gazës – është një tjetër manipulim nga Netanyahu
-
Nga padia shtetërore për gjenocid institucionet “tkurren” në padi civile për Serbinë në Këshillin e Evropës