Mutacionet mund të ndryshojnë mënyrën se si duket proteina spike(S) dhe ta ndihmojnë atë të fshihet nga të dy krahët e sistemit imunitar, sipas një studimi në Universitetin Vanderbilt.
Të gjitha vaksinat aktuale synojnë atë që njihet si proteina spike e cila është struktura që përdor virusi për të hyrë në qelizat që sulmon.
“Mund të ketë mutacione në proteinën S që e ndryshojnë atë në një mënyrë që antitrupat tanë të mos jenë aq të mirë. Ne nuk e kemi parë atë të ndodhë akoma”, i tha Dr. Buddy Creech, specialist i sëmundjeve infektive pediatrike, CNN.
Kishte hipozime se një sërë mutacionesh të identifikuara për herë të parë në Angli të cilat shihen se kanë lindur në të gjithë botën mund të ndihmojnë koronavirusin të shmangë vaksinat.
Por provat tregojnë se ato mutacione e kanë bërë virusin më ngjitës, e nuk kanë ndikuar nëse sistemi imunitar mund ta njohë atë.
“Gjëja më e rëndësishme që mund të bëjmë është të inkurajojmë vaksinimin,” tha Scott Hensley, ekspert në imunologjinë dhe biologjinë molekulare në Universitetin e Pensilvanisë.
“Le ta ndalojmë këtë virus në gjurmët e tij. Nëse nesër do të vaksinonim me magji 60-70% të popullsisë, nuk do të shqetësoheshim për lëvizjen sepse virusi do të zhdukej pothuajse shumë”, përfundon ai./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
