Brigjet e Jonit të Kalabrisë dhe Sicilisë, në Itali janë sërish të rrënuara nga moti i keq. Alarmi i kuq i lëshuar një ditë më parë nga Mbrojtja Civile është realizuar dhe zona lindore e dy rajoneve jugore është goditur që në mëngjes nga stuhi të fuqishme dhe rrëmbime ere.
Këto të fundit kanë shkaktuar përmbytje dhe rrëshqitje dheu, pas atyre që kishin goditur të njëjtën zonë tashmë të dielën.
Provinca e Katanias është përballur me përmbytjet më të mëdha. Kryebashkiaku i kryeqytetit Etna, Salvo Pogliese, i ka bërë thirrje popullit që të mos dalin nga shtëpia, përveçse për arsye emergjence.
Kjo thirrje ka ardhur pasi rrugët janë të pushtuara nga uji dhe ka urdhëruar mbylljen e menjëhershme të të gjitha aktiviteteve tregtare deri në mesnatën e 26 tetorit, me përjashtim të farmacive, ushqimeve dhe nevojave elementare.
Viktimat
Në Gravina di Catania, në Etnea, një 53-vjeçare nga Pedara u gjend e mbytur në lumin e krijuar nga stuhia.
Të dielën një çift i martuar u përfshi nga një valë përmbytjesh në Scordia, gjithashtu në zonën e Katanias. Ndërkohë forcat e emergjencës kanë gjetur vetëm trupin e bashkëshortit ndërsa trupi i gruas është ende në kërkim.
Në vendngjarje kanë ndërhyrë zjarrfikësit, policia bashkiake dhe 118 efektivë.
Anija e OJQ-së në mëshirë
Deti i stuhishëm po e bën gjithashtu të rrezikshëm lundrimin, veçanërisht për një anije, “Geo Barents”, e OJQ-së së Mjekëve pa Kufij.
Ajo mban 367 migrantë në bord pak milje larg brigjeve të Siçilisë dhe po kërkon për një port zbarkimi.
Situata në Katania
Në kryeqytetin Etna, uji ka pushtuar edhe Piazza Duomo-n. Reshjet e forta të shiut shkaktuan përmbytje të disa rrugëve që shumë shpejt pushtuan rrugët.
Gjithashtu në Katania, tregu historik i Pescheria u përmbyt dhe u pushtua shatërvani nga i cili del për pak kohë lumi nëntokësor Amenano.
Prefektura ka rinovuar dispozitën për pezullimin e aktiviteteve mësimore në të gjitha shkollat si pasojë e alarmit të motit.
Në provincë, një situatë e vështirë në Misterbianco, ku një rrëshqitje dheu detyroi katër familje të braktisnin shtëpitë e tyre si masë paraprake.
Zonat më të prekura janë ato në jug të kryeqytetit Etna. Përmbytje të reja kanë ndodhur në fshatin Santa Maria Goretti, i cili ndodhet pranë aeroportit Fontanarossa të Katanias.
Gjithashtu është përmbytur edhe zona industriale Etna e cila është më e rëndësishmja në jug, me probleme të theksuara për kompanitë shumëkombëshe dhe ndërmarrjet e vogla dhe të mesme.
Mediat raportuan se ndër zonat me shqetësimet më të mëdha janë edhe ato Joniane mes Giarre dhe Mascali. Disa rrugë janë mbyllur dhe disa shoferë janë shpëtuar.
Zjarrfikësit e Katanias deri më tani kanë kryer mbi 214 ndërhyrje me 429 punëtorë në punë. Ndër të tjera bilanci i dëmtimit të mjedisit dhe infrastrukturës është në rritje.
Në zonën e Mesinës
Edhe në zonën e Mesinës situata mbetet kritike. Dje një pjesë e autostradës që e lidh atë me Katanian u mbyll për shkak të rënies së një guri.
E prekur veçanërisht nga moti i keq ka qenë ana joniane e krahinës, ku ka pasur rrëshqitje dherash dhe përmbytje.
Zjarrfikësit kanë ndërhyrë veçanërisht në zonën e Letojannit dhe Taorminës për shkak të përmbytjeve dhe rrëshqitjeve të dheut.
Gjatë natës, një rrëshqitje dheu çoi në mbylljen e rrugës provinciale që lidh Santa Teresa Riva me Savoca dhe Casalvecchio Siculo dhe po punohet për restaurimin e saj.
Kalabria
Situatë është e ngjashme edhe në Kalabri ku për shkak të disa rrëshqitjeve të dheut u bllokuan dy rrugë shtetërore: ajo 106 që kalon përgjatë bregut të Jonit dhe 107 që përshkon brendësinë e rajonit.
Gjithashtu në brigjet e Roccella Jonica një varkë me 70 emigrantë në bord u shpëtua pasi ishte në vështirësi.
Nga gjetjet e qendrës funksionale me shumë rrezik Arpacal, Serre, Apeninet midis provincave Vibo Valentia dhe Catanzaro, janë zonat më të prekura nga reshjet e 48 orëve të fundit, të prekura nga alarmi i kuq deri në mbrëmjen e sotme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rohde shpreh keqardhje që s’është bërë progres për të pagjeturit në 3 vjetët e fundit
-
Megan Fox, e pranishme në festën e ditëlindjes së ish të fejuarit – Machine Gun Kelly
-
Kommuna fundoset – pse humbja e anijes shekullore mund të ndalojë flotën ruse
-
Meghan Markle dhe Princi Harry organizojnë një ngjarje të artit afrikano-amerikan
Lajmet kryesore
-
Pas gjashtë orësh, përfundon Konventa e Partisë së Lirisë
-
Ndërtimi i TEC-it në Roskovec, Balla: Investim strategjik, zero risk për mjedisin
-
Nga Benetton te Metro, kompanitë nga e gjithë Evropa që ende bëjnë biznes në Moskë
-
Raporti i DASH-it përmend Rozeta Hajdarin e Liza Gashin si të dënuara për mos-deklarim të pasurisë