Në Brazil, autoriteti mjedisor ka dhënë një leje fillestare për të lejuar që një autostradë kryesore përmes qendrës së pyjeve tropikale të Amazonës të asfaltohet.
Sipas ministrit të Infrastrukturës, kjo është një lëvizje që kërcënon të rrisë shpyllëzimin.
Gjatë fushatës, presidenti Jair Bolsonaro është zotuar ta rregullojë rrugën, të quajtur BR-319, që do të lidhë qytetin më të madh të Amazonës, Manaus, me pjesën tjetër të Brazilit.
Fillimisht, ajo u ndërtua nga diktatura ushtarake e Brazilit në vitet 1970, por u shkatërrua në kushtet e vështira të pyjeve të shiut. Pjesa më e madhe e rrugës ka një shtrirje e pakalueshme balte gjatë sezonit gjashtëmujor të shirave.
Tanimë, mbrojtja e dobët mjedisore nga Bolsonaro ka nxitur shpyllëzimin në rritje, me pastrimin e Amazonës braziliane duke arritur nivelin më të lartë të 15 viteve në vitin 2021.
Ministri Marcelo Sampaio e ka njoftuar lejen në Twitter, duke postuar një imazh të licencës nga agjencia mjedisore Ibama.
Kjo licencë fillestare do t’i lejojë qeverisë të kontraktojë kompanitë për të asfaltuar pjesën më të madhe të rrugës që është në gjendjen më të keqe.
Sakaq, kontraktorët do të hartojnë plane, por do të duhet një tjetër leje për të filluar ndërtimin.
Kjo licencë e parë do të përcaktonte shumë kushte në planet që duhet të plotësohen për të filluar ndërtimin.
Marrë nga “The Guardian”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin
