Miqtë e ruses së arrestuar në Gramsh këmbëngulin se ajo nuk është spiune

Miqtë e Lana Sator (emri i vërtetë Svitlana Timofeeva) këmbëngulin se ajo ishte vetëm duke eksploruar një bazë ushtarake për blogun e saj të njohur.

Lajmi u bë i ditur nga “Radio Evropa e Lirë”, duke cituar intervistën me miqtë e Timofeeva-s.

Policia shqiptare sakaq konfirmoi zyrtarisht se dy rusët dhe ukrainasi që tentuan të hynin në një fabrikë ushtarake në Gramsh janë arrestuar për spiunazh.

Miqtë e Timofeeva-s, një prej eksploruesve më të famshëm urbanë të Rusisë, konfirmuan për Radion Evropa e Lirë se ajo është në mesin e tre personave që u arrestuan dhe mbetet në paraburgim.

Sator është e njohur për imazhet e saj spektakolare nga brenda objekteve ushtarake.

Ajo ka qenë e vendosur në Gjeorgji që nga pushtimi i Ukrainës nga Rusia në vitin 2022.

Pavel Ogorodnikov, një bloger rus dhe mik i Sator-it, i cili gjithashtu jeton në Gjeorgji, këmbëngul se ajo nuk është spiune.

Eksploruesi urban rus thotë se “spërkatja neo-paralizuese” është një mjet i fundit i dhunshëm i përdorur nga disa ekipe kërkimore urbane.

“Ndonjëherë eksploruesit përdorin spraj piperi kundër rojeve nëse [do të kapen]. Kjo nuk mbështetet në lëvizjen tonë, por ndonjëherë dikush mund ta bëjë këtë”, thotë ai, duke shtuar “Unë e di me siguri se Lana nuk do ta mbështeste kurrë përdorimin [e sprejit të piperit]”.

Një raport i policisë i parë nga Shërbimi Ballkanik i Radios Evropa e Lirë sugjeron se vizita në fabrikën e Gramshit ishte ide e Mykhailo Zorin.

Raporti pretendon se Sator dhe Fedir Mihailovych kishin vendosur të mos tentonin të hynin në fabrikë, por Zorin vazhdoi i vetëm.

Pasi Zorin u përpoq të hidhte gardhin rreth fabrikës, dy ushtarë u përpoqën ta ndalonin. Gjatë përleshjes shtetasi rus dyshohet se përdori sprej piper.

Raporti pretendon se Zorin “pranoi” se ishte një informator i Shërbimit Federal të Sigurisë së Rusisë (FSB) dhe ishte ngarkuar të dërgonte fotografi të objekteve ushtarake dhe “infrastrukturës kritike” në Rusi.

Miqtë e Sator-it kanë vënë në dyshim se çfarë vlere ushtarake mund të ketë fabrika e papërdorur prej kohësh për fuqitë e huaja.

Dy rusët e arrestuar nga autoritetet shqiptare nën akuzën e spiunazhit nuk figurojnë në listën e agjentëve rusë të publikuar nga inteligjenca ukrainase në mars të këtij viti.

Drejtoria kryesore e Inteligjencës në Ministrinë ukrainase të Mbrojtjes (GUR) do të publikonte një listë të agjentëve rusë të FSB-së të përfshirë në aktivitetet kriminale të Rusisë në Evropë.

Një listë e plotë e agjentëve të FSB-së që operojnë në vendet evropiane mund të gjendet këtu.

Në Shqipëri u regjistrua mbrëmjen e 20 gushtit ‘mësymja’ e dytë pas një viti e spiunazhit rus, e cila mbetet ende për t’u konfirmuar pas hetimeve të autoriteteve vendase.

Ata akuzohen për “përpjekje për të marrë informacion të klasifikuar”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.